നിരവധി  പോക്ഷക ഗുണങ്ങള്‍ അടങ്ങിയിട്ടുള്ള ഭക്ഷണ പദാര്‍ത്ഥങ്ങളാണ് ഇലക്കറികള്‍. എന്നാല്‍ ഇത് അധികമാര്‍ക്കും പ്രിയങ്കരമല്ലാത്ത ല്ല. അതുകൊണ്ടു തന്നെ തങ്ങളുടെ ഭക്ഷണ ശീലങ്ങളില്‍ നിന്ന് ഇലക്കറികളെ അപ്പാടെ മാറ്റി നിര്‍ത്തുകയാണ് മിക്കവരും ചെയ്യുന്നത്. രുചിയെക്കാളേറെ ഗുണങ്ങള്‍ അടങ്ങിയവയാണ് ഇലക്കറികള്‍. അതുകൊണ്ടു തന്നെ ഇവ കഴിക്കേണ്ടത് അത്യാവശ്യമാണ്. ഇലക്കറികളുടെ ചില ഗുണങ്ങളെം കുറിച്ച് നമുക്ക് നോക്കാം.

• കണ്ണിന്റെ ആരോഗ്യത്തിന് ഏറ്റവും ആവശ്യമായ വിറ്റാമിന്‍ ആണ് വിറ്റമിന്‍ എ. വിറ്റമിന്‍ എയുടെ കലവറയാണ് ഇലക്കറികള്‍.
• അയണ്‍ പോലുള്ള ധാരാളം ധാതുക്കളും ഇവയില്‍ അടങ്ങിയിട്ടുണ്ട്. രക്തസമ്മര്‍ദ്ദം കുറയ്ക്കാനും അതുവഴി ഹൃദയ സംബന്ധമായി ഉണ്ടാകുന്ന അസുഖങ്ങള്‍ ഒരു പരിധി വരെ ചെറുക്കാനും ഇവ സഹായിക്കുന്നു.
• ധാരാളം ആന്റി ഓക്സിഡന്റുകള്‍ അടങ്ങിയതിനാല്‍ കാന്‍സര്‍ പോലുള്ള മാരക രോഗങ്ങളെ ചെറുക്കാനും ഇലക്കറികള്‍ കഴിക്കുന്നതിലൂടെ സാധിക്കുന്നു.
• നമ്മുടെ മസിലുകളുടെ ശക്തി വര്‍ദ്ധിപ്പിക്കാനാവാശ്യമായ ഘടകങ്ങളും അടങ്ങിയ ഒരു പോഷക ആഹാരമാണ് ഇലക്കറികള്‍. പലതരത്തിലും പലരുചിയിലും ഇവ പാകം ചെയ്തും അല്ലാതെയും കഴിക്കുന്നത് ആരോഗ്യത്തിന് നല്ലതാണ്.