ഒരു പെണ്ണിന്റെ ജീവിതത്തിലെ ഏറ്റവും പ്രധാന സമയമാണ് ഗര്‍ഭകാലം. ഗര്‍ഭകാലത്തെ ശീലങ്ങള്‍, ഭക്ഷണം എന്നിവയൊക്കെ കുഞ്ഞിന്റെ ആരോഗ്യത്തെ ബാധിക്കും. അതിനാല്‍ തന്നെ ഗര്‍ഭക്കാലത്ത് സ്ത്രീകള്‍ നല്ല ഭക്ഷണം കഴിക്കുകയും ആരോഗ്യം ശ്രദ്ധിക്കുകയും ചെയ്യുന്നു.

എന്നാല്‍, കുഞ്ഞ് ജനിച്ചുകഴിച്ചാല്‍ സ്വന്തം ആരോഗ്യം പോലും പലരും ശ്രദ്ധിക്കാറില്ല. മുലയൂട്ടുന്ന സ്ത്രീകള്‍ തീര്‍ച്ചയായും നല്ല ആരോഗ്യമുള്ള ഭക്ഷണങ്ങള്‍ തന്നെ കഴിക്കേണ്ടത് ആവശ്യമാണ്. മുലയൂട്ടുന്ന സ്ത്രീകള്‍ക്ക് കഴിക്കാന്‍ പറ്റിയ ഏറ്റവും നല്ല ഭക്ഷണ പദാര്‍ത്ഥങ്ങള്‍ ഏതൊക്കെയാണെന്ന് നോക്കാം.

ഇതില്‍ ആദ്യം നില്‍ക്കുന്ന ഭക്ഷണ പദാര്‍ത്ഥമാണ് പഴം. വാഴപ്പഴം ശരീരത്തിലെ ഫോളിക്ക് ആസിഡിന്റെ അളവ് വര്‍ദ്ധിപ്പിക്കം. കൂടാതെ ഇതില്‍ ധാരാളം വൈറ്റമിനും ധാതുക്കളും അടങ്ങിയിരിക്കുന്നു. വാഴപ്പഴം മുലയൂട്ടുന്ന അമ്മക്ക് ശക്തി പകരുന്നു. അമ്മയുടെയും കുഞ്ഞിന്റെ ആരോഗ്യത്തിന് നല്ലതാണ്.

പച്ച പപ്പായ മുലയൂട്ടുന്ന അമ്മമാര്‍ക്ക് ഏറെ പ്രയോജനപ്പെടുന്ന ഒരു പഴമാണ്. പപ്പായ പഴുക്കുന്നതിന് മുമ്ബ് കഴിക്കണം. ഇവയില്‍ അടങ്ങിയിരിക്കുന്ന എന്‍സൈമുകള്‍ മുലപ്പാല്‍ വര്‍ദ്ധിപ്പിക്കും. വൈറ്റമിന്‍ സി, എ, പൊട്ടാസ്യം, കാല്‍സ്യം എന്നിവ ധാരാളം അടങ്ങിയ ഒന്നാണ് അവോക്കാഡോ. കൂടാതെ ധാരാളം ഫൈറ്റോ ഈസ്ട്രജന്‍ അടങ്ങിയിരിക്കുന്നു. ഇത് മുലപ്പാലുണ്ടാവാന്‍ സഹായിക്കും.