രുചിയും ഘടനയും മാത്രമല്ല ആരോഗ്യഗുണങ്ങളും ഏറെയാണ്! മോസറെല്ല ചീസിന്റെ ഗുണങ്ങളെ കുറിച്ച് കൂടുതല്‍ അറിയൂ
എല്ലാവര്‍ക്കും സുപരിചിതമായ ഒന്നാണ് മോസറെല്ല ചീസ്. രുചിയും ഘടനയും കൊണ്ട് ഏറ്റവും കൂടുതല്‍ ജനപ്രിയമായ പാലുല്‍പ്പന്നങ്ങളില്‍ ഒന്നായ ഈ ചീസിന് ആരോഗ്യ ഗുണങ്ങള്‍ നിരവധിയാണ്. വിറ്റാമിന്‍ ബി 7 എന്ന ബയോട്ടിന്റെ മികച്ച ഉറവിടമാണ്. ചീസ് കഴിക്കുന്നത് വഴി അടിയന്തര പോഷക ആവശ്യത്തെ തൃപ്തിപ്പെടുത്തും.
കൂടാതെ നഖങ്ങള്‍ പൊട്ടുന്നത് തടയുകയും പ്രമേഹരോഗികളില്‍ രക്തത്തിലെ ഗ്ലൂക്കോസിന്റെ അളവ് കുറയ്ക്കുകയും ചെയ്യുന്നു. ഉയര്‍ന്ന അളവില്‍ കാത്സ്യം അടങ്ങിയിട്ടുള്ളതിനാല്‍ അസ്ഥികളുടെയും പല്ലുകളുടെയും ആരോഗ്യത്തിന് ആവശ്യമാണ് ഈ ചീസ്.
ഒരു ഔണ്‍സ് മോസറെല്ല ചീസില്‍ 183 മില്ലിഗ്രാം കാത്സ്യം അടങ്ങിയിട്ടുണ്ട്. പല്ലിന്റെ ഇനാമലിനെ സംരക്ഷിക്കാനും പ്രധാന പങ്ക് വഹിക്കുന്നു. കൂടാതെ, ഹൃദയപേശികളെ സംരക്ഷിക്കുന്നതിലും ശരീരഭാരം കുറയ്ക്കാനും സഹായിക്കുന്നു.
പ്രോട്ടീന്‍, പൊട്ടാസ്യം, സിങ്ക്, ഫോസ്ഫറസ്, തുടങ്ങിയവയുടെയും പ്രധാന ഉറവിടമാണ് മോസറെല്ല ചീസ്. കൊഴുപ്പിനെ ലയിപ്പിക്കുന്ന വൈറ്റമിനുകളായ ഡി, ഇ, എ കളാലും സമ്ബുഷ്ടമാണ് ഈ ചീസ്.
https://www.facebook.com/Malayalivartha
