ഓര്മ്മശക്തി വര്ധിപ്പിക്കുന്നതിന് ഈ ഭക്ഷണങ്ങള് ശീലമാക്കൂ, വിഷാദരോഗം, സ്ട്രോക്ക് എന്നിവ ഒരു പരിധിവരെ തടയുന്നതിനും ഓര്മ്മശക്തി വര്ദ്ധിപ്പിക്കുന്നതിനും ഉത്തമം
നാം കഴിക്കുന്ന ഭക്ഷണം നമ്മുടെ തലച്ചോറിന്റെ ഘടനയിലും ആരോഗ്യത്തിലും വലിയ സ്വാധീനം വഹിക്കുന്നു. ശരീരത്തിലെ കലോറിയുടെ ഏകദേശം 20 ശതമാനവും ഉപയോഗിക്കുന്ന ഒരു അവയവമാണ് മസ്തിഷ്കം. അതിനാല് തലച്ചോറിനെ ഉത്തേജിപ്പിക്കുന്ന ഭക്ഷണം കഴിക്കേണ്ടത് വളരെ അത്യാവശ്യമാണ്.
മത്സ്യത്തില് ധാരാളം ഒമേഗ 3 ഫാറ്റി ആസിഡ് അടങ്ങിയിട്ടുള്ളതിനാല് ഇത് തലച്ചോറിന്റെ പ്രവര്ത്തനത്തിന് ഉത്തമമാണ്. വിഷാദരോഗം, സ്ട്രോക്ക് എന്നിവ ഒരു പരിധിവരെ തടയുന്നതിനും ഓര്മ്മശക്തി വര്ദ്ധിപ്പിക്കുന്നതിനും മത്സ്യം ശീലമാക്കുന്നത് നല്ലതായിരിക്കും.
വിറ്റാമിന് ഇയുടെ കലവറയായ കശുവണ്ടി തലച്ചോറിലെ രക്തചംക്രമണം വര്ദ്ധിപ്പിക്കുന്നു. കാബേജ്, കോളിഫ്ളവര്, പയറുവര്ഗങ്ങള് എന്നിവ ഭക്ഷണത്തില് ഉള്പെടുത്തുക രക്തത്തിലെ ഗ്ലൂക്കോസിന്റെ അളവ് ശരിയായി നിലനിറുത്തുന്നതിന് ധാന്യങ്ങള് ആവശ്യമായതിനാല് അവ ഉള്പ്പെടുത്തുക.
കൂടാതെ ഡാര്ക്ക് ചോക്കളേറ്റ്, കോഫി, മുട്ട, കപ്പലണ്ടി, അവോക്കാഡോ, സോയ, വാള്നെട്ട്, പിസ്ത എന്നീ ഭക്ഷണങ്ങളും കഴിക്കുക. കൂടാതെ ഭക്ഷണത്തിനൊപ്പം കൃത്യമായ ഉറക്കവും വ്യായാമവും ശീലമാക്കുക.
https://www.facebook.com/Malayalivartha
