ഒരു ദിവസം അത് തുടങ്ങുന്നതുമുതൽ അവസാനിക്കുന്നതുവരെ ഉന്മേഷത്തോടെ നിലനിൽക്കാൻ നാം നല്ലതെന്നോർത് കഴിക്കുന്ന പല ഭക്ഷണങ്ങളും ദഹനപ്രശ്‌നങ്ങളുണ്ടാക്കുകയും ആരോഗ്യത്തെ ക്ഷയിപ്പിക്കുകയും ചെയ്യുന്നവയാകാം എന്ന് നിങ്ങൾ ചിന്തിച്ചിട്ടുണ്ടോ.എന്നാൽ ഈ പറയുന്ന ഭക്ഷണങ്ങൾ ഒരു കാരണവശാലും നമ്മുടെ പ്രഭാതഭക്ഷണത്തിൽ ഉള്‍പ്പെടുത്തരുത്.

1 . വാഴപ്പഴം
അതി രാവിലെ പഴവും ഒഴിവാക്കേണ്ടതാണ്. ഉയര്‍ന്ന തോതില്‍ മഗ്നീഷ്യവും പൊട്ടാസിയവും ഉള്ള ആഹാരസാധനമാണ് പഴം. ഇത് അതിരാവിലെ വെറും വയറ്റില്‍ കഴിക്കുന്നത് ഈ രണ്ട് ധാതുക്കളുടെയും രക്തത്തിലെ സന്തുലിതാവസ്ഥയെ തെറ്റിക്കും.

2. സിട്രിക് പഴങ്ങള്‍
ഓറഞ്ച്, തക്കാളി പോലുള്ള സിട്രിക് പഴങ്ങളും പച്ചക്കറികളും വൈറ്റമിന്‍ സി സമ്ബുഷ്ടമാണ്. അവ ചര്‍മത്തിന്റെ ആരോഗ്യത്തിനും പ്രതിരോധ ശേഷി വര്‍ദ്ധിപ്പിക്കുന്നതിനും നല്ലതാണ് താനും. എന്നാല്‍ അതിരാവിലെ ഇവ കഴിക്കുന്നത് വയറില്‍ ആസിഡ് രൂപപ്പെടാന്‍ കാരണമാകും. ഇവ രാവിലെ കഴിക്കുന്നത് നെഞ്ചെരിച്ചില്‍, ഗ്യാസിന്റെ പ്രശ്‌നങ്ങള്‍ എന്നിവയ്‌ക്കെല്ലാം വഴിവയ്ക്കാം.

3 . പഞ്ചസാര അടങ്ങിയ പാനീയങ്ങളും കോളയും
എന്നാല്‍ ഇനി ജ്യൂസ് കുടിച്ചേക്കാം എന്ന് കരുതി പായ്ക്കറ്റിലാക്കിയ ജ്യൂസോ, കോളയോ കുടിക്കാം എന്ന് കരുതിയാലും തെറ്റി. പാക്ക് ചെയ്ത ജ്യൂസിലും നുരയുന്ന പാനീയങ്ങളിലും നിറയെ മധുരമായിരിക്കും. അതിരാവിലെ തന്നെ മധുരമെല്ലാം അകത്ത് ചെല്ലുന്നത് ദീര്‍ഘനേരം വിശ്രമിച്ചിട്ട് എഴുന്നേറ്റ് വരുന്ന പാന്‍ക്രിയാസിന് ഒട്ടും ആരോഗ്യപ്രദമല്ല.

4 . കാപ്പി
നല്ലൊരു സ്‌ട്രോങ്ങ് കാപ്പിയുമായി ദിവസം തുടങ്ങുന്ന നിരവധി പേരുണ്ട്. എന്നാല്‍ ഇത് അത്ര നല്ല ശീലമല്ല. വെറും വയറ്റില്‍ കാപ്പി കുടിക്കുന്നത് വയറിലെ ആസിഡുകളുടെ ഉത്പാദനത്തിന് കാരണമാകുകയും ഗ്യാസ്ട്രിക് പ്രശ്‌നങ്ങള്‍ ഉണ്ടാക്കുകയും ചെയ്യും.

5. സാലഡ്
പച്ചക്കറി വെറുതേ കടിച്ച്‌ തിന്നുന്നത് ശരീരത്തിന് നല്ലതാണ്. പക്ഷേ, അത് രാവിലെ വേണ്ട. പച്ചക്കറിയില്‍ നിറയെ ഫൈബര്‍ ഉണ്ട്. ഇത് രാവിലെ ദഹിക്കാന്‍ ബുദ്ധിമുട്ടാണ്. അതിരാവിലെ പച്ചയ്ക്ക് ഇവ തിന്നുന്നത് ഗ്യാസിന്റെ പ്രശ്‌നമുണ്ടാക്കുകയും വയര്‍ വേദനയ്ക്ക് കാരണമാകുകയും ചെയ്യും.