ആരോഗ്യം കാത്ത് സൂക്ഷിക്കാനായി പഴങ്ങളും പച്ചക്കറികളും കഴിക്കുന്നത് അത്യാവശ്യമാണ്. എന്നാൽ ചില പഴങ്ങളും പച്ചക്കറികളും ഒരുമിച്ച് കഴിക്കുന്നത് ശരീരത്തിന് ഗുണത്തേക്കാളേറെ ദോഷമാണ് ഉണ്ടാക്കുക. ഇത് മൂലം ദഹനക്കേടും മറ്റ് ആരോഗ്യപ്രശ്നങ്ങളും ഉണ്ടാകാൻ കാരണമാകും. ഒരുമിച്ചു കഴിക്കാൻ പാടില്ലാത്ത പഴങ്ങളും പച്ചക്കറികളും ഏതൊക്കെയാണ് ?

1.പപ്പായയും നാരങ്ങയും: പപ്പായ മുറിച്ച് നാരങ്ങാനീര് പിഴിഞ്ഞത് ചേർത്ത് ചിലരെങ്കിലും കഴിക്കാറുണ്ട്. ഒരേ സമയം തന്നെ പുളിയും മധുരവും കിട്ടാനാണ് ഇങ്ങനെ ചെയ്യാറ്. എങ്കിൽ ഇത് ഒഴിവാക്കേണ്ടത് നിർബന്ധമാണ്. കാരണം വിളർച്ച ഉണ്ടാകാനും ഹീമോഗ്ലോബിൻ അസന്തുലനത്തിനും ഇത് കാരണമാകും.

2.ഓറഞ്ചും പാലും: പാലും ഓറഞ്ചും ഒരുമിച്ചു കഴിക്കുന്നതും പ്രശ്‌നമാണ്. ഇത് ദഹിക്കാൻ പ്രയാസമാണെന്നു മാത്രമല്ല നിരവധി ആരോഗ്യപ്രശ്നങ്ങൾക്കും കാരണമാകും.

3.പേരയ്ക്കയും വാഴപ്പഴവും : ഈ പഴങ്ങൾ ഒരുമിച്ചു കഴിച്ചാൽ അസിഡിറ്റി, ഓക്കാനം, വയറിനു കനം, വായുകോപം, തലവേദന ഇവ വരാൻ സാധ്യത കൂടുതലാണ്.

4.ഓറഞ്ചും കാരറ്റും : ഓറഞ്ചും കാരറ്റും ഒരുമിച്ചു കഴിക്കുന്നതിലൂടെ നെഞ്ചെരിച്ചിലും വൃക്കത്തകരാറും സംഭവിക്കാൻ കാരണമാകുന്നു.

5.പൈനാപ്പിളും പാലും : പാൽ പൈനാപ്പിളിനൊപ്പം കഴിച്ചാൽ ആരോഗ്യത്തിനു ദോഷം ചെയ്യും. പൈനാപ്പിളിൽ ബ്രോമെലെയ്ൻ എന്ന സംയുക്തം അടങ്ങിയിട്ടുളതിനാൽ ആണിത്. ഇതുവഴി ഗ്യാസ്ട്രബിൾ, വയറു വേദന, ഓക്കാനം, തലവേദന, അണുബാധകൾ ഇവയ്ക്കു കാരണമാകും. ഇനി പഴങ്ങൾ കഴിക്കുമ്പോൾ ഈ കോംപിനേഷനുകൾ ഒഴിവാക്കാൻ ശ്രദ്ധിക്കാം.