മാമ്പഴക്കാലമാണ് ആർത്തിവേണ്ട; മാമ്പഴം മുഖക്കുരുവിനും കാരണമാകാം ?
ഇത് മാമ്പഴകാലമാണ്. മാമ്പഴക്കാലമായാല് മാമ്പഴം കഴിക്കാതെ ഒരു ദിവസം പോലും ചെലവിടാൻ സാധിക്കാത്തവർ നിരവധിയാണ്. എന്നാല് ചിലർ പറയുന്നത് മാമ്പഴം കഴിച്ചാൽ മുഖക്കുരു ഉണ്ടാകുമെന്നാണ്. മാമ്പഴത്തിന് പല ആരോഗ്യഗുണങ്ങളുമുണ്ട്. പ്രത്യേകിച്ച് ചര്മ്മത്തിന് ഗുണകരമാകുന്ന പല ഘടകങ്ങളും.
ചര്മ്മത്തിന് ഇത്രമാത്രം ഗുണകരമാകുന്ന മാമ്പഴം എങ്ങനെയാണ് മുഖക്കുരു ഉണ്ടാക്കുക എന്നറിയാം. മാമ്പഴം ചര്മ്മത്തിന് പ്രയോജനപ്പെടുന്നത് എങ്ങനെയെന്നാൽ, ഇതിലടങ്ങിയിരിക്കുന്ന ആന്റി ഓക്സിഡന്റുകള് ചര്മ്മത്തില് നിന്ന് വിഷാംശം ഇല്ലാതാക്കുന്നു. ഇതിലൂടെ ബാക്ടീരിയ പോലുള്ള സൂക്ഷ്മ രോഗാണുക്കളുടെ ആക്രമണത്തില് നിന്ന് ചര്മ്മം ഒരു പരിധി വരെ രക്ഷപ്പെടുന്നു.
ചര്മ്മത്തില് ചുളിവുകള് വീഴുക, പാടുകള് വീഴുക, തിളക്കം മങ്ങുകയെല്ലാം പ്രായം തോന്നിക്കാൻ കാരണമാകുന്നു. ഇത്തരം പ്രശ്നങ്ങള് പരിഹരിക്കുന്നതിന് മാമ്പഴം സഹായകമാണ്. മാമ്പഴത്തിലടങ്ങിയിരിക്കുന്ന വൈറ്റമിൻ-എയുടെ ഉയര്ന്ന അളവ് മൂലം ചർമം സംരക്ഷിക്കുന്നു.
എന്നാല്, മുഖക്കുരുവിന് കാരണമാകുന്നത് ഇതാണ്. ഇന്സുലിന് റെസിസ്റ്റൻസ് ഉള്ളവരില്, അതായത് ഇൻസുലിൻ ഹോര്മോണിനോട് കൃത്യമായി പ്രതികരിക്കാൻ സാധിക്കാത്തവരില് മാമ്പഴം അല്പം പ്രശ്നം ഉണ്ടാക്കാം.
എങ്കിലും നേരത്തേ ഇൻസുലിൻ റെസിസ്റ്റൻസ് ഉള്ളവരില് ഉയര്ന്ന ഗ്ലൈസമിക് സൂചികയുള്ള മാമ്പഴം കൂടി ചെല്ലുമ്പോള് അത് ചര്മ്മത്തില് ഓയില് ഗ്രന്ഥികളില് നിന്ന് അധികദ്രവം ഉത്പാദിപ്പിക്കപ്പെടാൻ കാരണമാകുന്നു. ഇതിലൂടെയാണ് മുഖക്കുരുവിലേക്ക് നയിക്കുന്നത്. മാമ്പഴം മാത്രമല്ല, ചോക്ലേറ്റ്, മിഠായികള്, കേക്ക്, പേസ്ട്രികള്, ജങ്ക് ഫുഡ് എല്ലാം ഇതിലുള്പ്പെടുന്നതാണ്.
https://www.facebook.com/Malayalivartha
