ഇടുക്കി രാജമലയില് ഉരുള്പൊട്ടല്; രക്ഷാപ്രവര്ത്തകര്ക്ക് എത്തിച്ചേരാന് സാധിക്കുന്നില്ല; മൂന്നു പേര് മരിച്ചു? 20 തോളം പേര് മണ്ണിനടിയില്; ലയങ്ങള് പൂര്ണമായി തകര്ന്നു
ഇടുക്കി രാജമലയില് ഉരുള്പൊട്ടലുണ്ടായതിനെത്തുടര്ന്ന് പെട്ടുമുടി തോട്ടം മേഖലയില് വന് മണ്ണിടിച്ചിലുണ്ടായെന്ന് റിപ്പോര്ട്ട്. മണ്ണിടിഞ്ഞ് പെട്ടിമുടി സെറ്റില്മെന്റിലെ ലയങ്ങള്ക്ക് മുകളിലേക്ക് വീണു. 80 തോളം തൊഴിലാളികള് താമസിക്കുന്ന നാല് ലയങ്ങള്ക്ക് മുകളിലേക്കാണ് മണ്ണ് ഇടിഞ്ഞു വിണത്. 20 പേര് മണ്ണിനടിയിലുണ്ടെന്നും സ്ഥിരീകരിക്കാത്ത റിപ്പോര്ട്ടുണ്ട്. മൂന്നു പേര് മരിച്ചതായും സ്ഥിതികരിക്കാത്ത വിവരം. നാലു ലയങ്ങളും പൂര്ണമായി തകര്ന്നതായി പ്രദേശത്തെ വാര്ഡ് മെമ്പര് പറയുന്നു.
തോട്ടം തൊഴിലാളികള് താമസിക്കുന്ന പ്രദേശമാണിത്. വൈദ്യുതി ഇല്ലാത്തതിനാല് കൃത്യമായ വിവരം ഇവിടെ നിന്ന് ലഭിച്ചിട്ടില്ല. രക്ഷാപ്രവര്ത്തകര് സംഭവ സ്ഥലത്തേക്ക് ഉടന് എത്തുമെന്ന് ജില്ലാ കളക്ടര് അറിയിച്ചു. സമീപത്തെ ആശുപത്രികള്ക്ക് ജാഗ്രതാ നിര്ദേശം നല്കിയിട്ടുണ്ട്. നാലോ അഞ്ചോ ദിവസമായി മഴ തുടരുന്നതിനാല് സ്ഥലത്ത് വൈദ്യുതി ബന്ധം നിലച്ചിരിക്കുകയാണ്. റോഡുകള് തകര്ന്നതിനാല് രക്ഷപ്രവര്ത്തകര് എത്തിച്ചേരാന് ബുദ്ധിമുട്ടുന്നുണ്ട്. പ്രത്യേക രക്ഷ സംഘം അവിടേക്ക് പുറപ്പെട്ടിട്ടുണ്ട്. തൃശ്ശൂര് ജില്ലയില് നിന്നും 35 അംഗ എന്.ഡി.ആര്.എഫ് സംഘം രാജമലയിലേക്ക് പുറപ്പെട്ടു. പോലീസിന്റെയും ഫയര്ഫോഴ്സിന്റെയും സംഘവും സ്ഥലത്തേക്ക് പുറപ്പെട്ടു.
തമിഴ് തൊഴിലാളികളാണ് ഈ പ്രദേശത്ത് കൂടുതലായി താമസിക്കുന്നത്. കൂടുതല് വിവരങ്ങള് ലഭ്യമായിട്ടില്ല. കണ്ണന് ദേവന് പ്ലാന്റേഷന്റെ തൊഴിലാളി ലയങ്ങളാണ് ഇവ. ഇതിന് മുമ്പ് ഇത്തരത്തിലൊരു മണ്ണിടിച്ചില് പ്രദേശത്തുണ്ടായിരുന്നില്ല. അതുകൊണ്ടു തന്നെ സംസ്ഥാന ദുരന്ത നിവാരണ അതോറിറ്റിയുടെ നിര്ദേശങ്ങള് പ്രദേശത്ത് പാലിക്കിപ്പെട്ടില്ല. അതുകൊണ്ടു തന്നെ മുന്കരുതലും സ്വീകരിക്കപ്പെട്ടില്ല. രക്ഷപ്രവര്ത്തകര് സ്ഥലത്ത് എത്തിയാല് മാത്രമേ ദുരന്തത്തിന്റെ വ്യാപ്തി എത്രയെന്നു വ്യക്തമാകുകയുള്ളു.
https://www.facebook.com/Malayalivartha