കേരളത്തില് കോണ്ഗ്രസിന്റെ അമരത്തെത്താന് ഉമ്മന്ചാണ്ടീം ചെന്നിത്തലേം നടത്തുന്ന വടംവലിക്കിടെ പാര്ട്ടി ഞെരിഞ്ഞമരുന്നു
സംസ്ഥാന കോണ്ഗ്രസിന്റെ തലപ്പത്ത് എത്താന് ഉമ്മന്ചാണ്ടിയും ചെന്നിത്തലയും നടത്തുന്ന തമ്മിലടി്ക്കിടയില് പാര്ട്ടിയും മുന്നണിയും ദുര്ബലമാകുന്നു. തുടക്കം മുതല് ചെങ്ങന്നൂരില് എ ഗ്രൂപ്പിന്റെ പ്രവര്ത്തനം അത്ര ശക്തമല്ലായിരുന്നു. സംസ്ഥാന കോണ്ഗ്രസില് വലിയ പ്രാധാന്യം ഇല്ലാത്ത ഉമ്മന്ചാണ്ടിയും അദ്ദേഹം നേതൃത്വം നല്കുന്ന ഐ ഗ്രൂപ്പും ചെങ്ങന്നൂര് വിജയത്തിന് വലിയ പ്രാധാന്യം കല്പ്പിച്ചിരുന്നില്ല. ഉപതെരഞ്ഞെടുപ്പില് കോണ്ഗ്രസ് വിജയിച്ചാല് അതിന്റെ ഗുണം പ്രതിപക്ഷനേതാവ് രമേശ് ചെന്നിത്തലയ്ക്കും അദ്ദേഹം നേതൃത്വം നല്കുന്ന എ ഗ്രൂപ്പിനുമാണ്. അതിനാല് എ ഗ്രൂപ്പ് പ്രചരണത്തിലടക്കം ചവിട്ടിപ്പിടിച്ചിരുന്നു. ഇക്കാര്യം യു.ഡി.എഫ് ക്യാമ്പില് ചര്ച്ചയായിരുന്നു.
വോട്ടെടുപ്പിന് ഏതാനും ദിവസങ്ങള്ക്ക്് മുന്പ് കെ.പി.സി.സി പ്രസിഡന്റ് എം.എം ഹസന് ശോഭനാ ജോര്ജ്ജിനെതിരെ നടത്തിയ വിവാദപ്രസ്താവന യു.ഡി.എഫിന് തിരിച്ചടിയായി. ഇത് മനപ്പൂര്വം നടത്തിയ പ്രസ്താവനയാണെന്ന് പ്രവര്ത്തകര് അന്നേ സംശയിച്ചിരുന്നു. പ്രസ്താവന പിന്വലിക്കാനോ, മാപ്പ് പറയാനോ തയ്യാറല്ലെന്ന് ഹസന് ആവര്ത്തിച്ചു പറയുകയും ചെയ്തു. കോണ്ഗ്രസിന്റെ മുന് എം.എല്.എയായ ശോഭനാജോര്ജ്ജ് ഇത്തവണ എല്.ഡി.എഫിനൊപ്പമാണ് പ്രവര്ത്തിച്ചത്. 1991ല് ഇന്നത്തെ യു.ഡി.എഫ് സ്ഥാനാര്ത്ഥി ഡി.വിജയകുമാറിനെ ശോഭനാ ജോര്ജ്ജ് വെട്ടിയാണ് സീറ്റ് തരപ്പെടുത്തിയതെന്നും വെട്ടിയ രീതി പരസ്യമായി പറയാനൊക്കില്ലെന്നുമായിരുന്നു ഹസന്റെ പ്രസ്താവന.
ജനമോചനയാത്ര നടത്തി ഹസന് പാര്ട്ടി ഫണ്ട് സ്വരൂപിച്ചിട്ടുണ്ടെങ്കിലും കോണ്ഗ്രസ് അധ്യക്ഷന് രാഹുല്ഗാന്ധിയുടെ നിര്ദ്ദേശപ്രകാരം കെ.പി.സി.സി പ്രസിഡന്റിനെ താമസിക്കാതെ മാറ്റും. മുല്ലപ്പള്ളി രാമചന്ദ്രന് ആയിരിക്കും പുതിയ അധ്യക്ഷന്. ഇത് ഹസനെ ചൊടിപ്പിച്ചിട്ടുണ്ടെന്നാണ് അറിയുന്നത്. ഇതെല്ലാം മുന്കൂട്ടി കണ്ടാണ് ചെങ്ങന്നൂരിലെ മുന് എം.എല്.എ ആയിരുന്ന പി.സി വിഷ്ണുനാഥ് മത്സരത്തില് നിന്ന് മാറിനിന്നതെന്നും അറിയുന്നു. പ്രതിപക്ഷനേതാവെന്ന നിലയില് രമേശ് ചെന്നിത്തലയുടെ പ്രവര്ത്തനം അത്ര തൃപ്തികരമല്ല. ഹൈക്കമാന്ഡിനും ഇക്കാര്യം വ്യക്തമായി അറിയാം. രാഹുല്ഗാന്ധിയുടെ ഗുഡ്ലിസ്റ്റില് നിന്ന് ചെന്നിത്തല പുറത്തായെന്നാണ് വിവരം. കഴിഞ്ഞ എ.ഐ.സി.സി സമ്മേളനത്തില് ചെന്നിത്തലയ്ക്ക് വലിയ പ്രാധാന്യം നല്കാത്തതിനാല് അദ്ദേഹം സമ്മേളനം പൂര്ത്തിയാക്കും മുമ്പ് ഡല്ഹി വിട്ടിരുന്നു.
ഉമ്മന്ചാണ്ടിയെ ആന്ധ്രയുടെ ചുമതലയുള്ള എ.ഐ.സി.സി സെക്രട്ടറി കൂടിയാക്കിയതോടെ എ. ഐ ഗ്രൂപ്പ് പോര് കടുക്കുമെന്ന് ഉറപ്പാണ്. ചെന്നിത്തലയ്ക്ക് കൂടുതല് കരുത്ത് പകരുന്ന നിലപാടാണ് ഹൈക്കമാന്ഡ് സ്വീകരിച്ചിരിക്കുന്നതെന്ന് ആക്ഷേപമുണ്ട്. കേരളത്തിലെ നേതാക്കള് മറ്റ് സംസ്ഥാനങ്ങളിലെ നിയമസഭാ തെരഞ്ഞെടുപ്പുകള്ക്ക് ചുക്കാന് പിടിച്ചപ്പോഴെല്ലാം കോണ്ഗ്രസ് ശക്തിയാര്ജ്ജിച്ചിട്ടുണ്ട്. പ്രത്യേകിച്ച് മേഘാലയയിലും കര്ണാടകയിലും. ഇതേ തുടര്ന്നാണ് ഉമ്മന്ചാണ്ടിയെ ആന്ധ്രയിലേക്ക് നിയോഗിച്ചത്. ഭരണപക്ഷത്തിന്റെ മാത്രമല്ല പ്രതിപക്ഷത്തിന്റെയും വിലയിരുത്തലാണ് ചെങ്ങന്നൂരില് നടക്കുന്നതെന്ന് ഉമ്മന്ചാണ്ടി ഒരുമുഴം മുമ്പേ എറിഞ്ഞതാണെന്ന് വ്യക്തമാക്കുന്നതാണ് ചെങ്ങന്നൂരിലെ തെരഞ്ഞെടുപ്പ് ഫലം നല്കുന്നത്.
https://www.facebook.com/Malayalivartha
