മൂന്ന് വര്ഷത്തെ ഇടവേളക്ക് ശേഷം കരിപ്പൂരില്നിന്ന് വീണ്ടും വലിയ വിമാനങ്ങള്ക്ക് അനുമതി; ജിദ്ദ, റിയാദ് എന്നിവിടങ്ങളിലേക്ക് നേരിട്ട് സര്വിസ്; സെപ്റ്റംബര് അവസാനത്തോടെ സര്വിസുകള് പുനരാരംഭിക്കും
ജിദ്ദ, റിയാദ് എന്നിവിടങ്ങളിലേക്ക് നേരിട്ട് സര്വിസ് ആരംഭിക്കുന്നതിന് സൗദി എയര്ലൈന്സിനാണ് ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡി.ജി.സി.എ) അനുമതി നല്കിയത്. സെപ്റ്റംബര് അവസാനത്തോടെ സര്വിസുകള് പുനരാരംഭിക്കാനാകുമെന്നാണ് പ്രതീക്ഷ. കൂടാതെ, ഹജ്ജ് എംബാര്ക്കേഷന് പോയന്റ് കരിപ്പൂരില് പുനഃസ്ഥാപിക്കാനാകുമെന്നാണ് കരുതപ്പെടുന്നത്. സൗദിയക്ക് അനുമതി ലഭിച്ചതോടെ എയര് ഇന്ത്യയും ജിദ്ദ സെക്ടറില് സര്വിസ് ആരംഭിക്കും.
റണ്വേ നവീകരണത്തിനും ബലപ്പെടുത്തുന്നതിനുമായി 2015 മേയ് ഒന്ന് മുതലാണ് കരിപ്പൂരില്നിന്ന് വലിയ വിമാനങ്ങള്ക്ക് നിയന്ത്രണം ഏര്പ്പെടുത്തിയത്. മലബാറില്നിന്ന് ഏറ്റവും കൂടുതല് പ്രവാസികള് ജോലി ചെയ്യുന്ന ജിദ്ദ, റിയാദ്, ദുബൈ സെക്ടറിലാണ് ഒറ്റയടിക്ക് വലിയ വിമാനങ്ങളുടെ സര്വിസുകള് നിലച്ചത്. ദുബൈയിലേക്ക് ചെറിയ വിമാനങ്ങള് ഉപയോഗിച്ച് സര്വിസ് ആരംഭിച്ചെങ്കിലും ജിദ്ദ, റിയാദ് സെക്ടറില് ഒരു വിമാനം പോലുമുണ്ടായിരുന്നില്ല.
കരിപ്പൂര്: കോഴിക്കോട് വിമാനത്താവളത്തില്നിന്ന് സര്വിസ് നടത്തുന്നതിന് സൗദി എയര്ലൈന്സിന് അനുമതി ലഭിച്ച സാഹചര്യത്തില് സെപ്റ്റംബറില് സര്വിസ് പുനരാരംഭിക്കാനാകുമെന്ന് പ്രതീക്ഷ. അനുമതിപത്രം ഔദ്യോഗികമായി ലഭിച്ചിട്ടില്ലെന്ന് സൗദിയ അധികൃതര് പ്രതികരിച്ചു. നടപടിക്രമങ്ങള് പൂര്ത്തിയാകണമെങ്കില് 45 ദിവസം എടുക്കും. സര്വിസ് ആരംഭിക്കുന്നതിന് മുന്നോടിയായി ഷെഡ്യൂള് തയാറാക്കണമെന്നും അവര് അറിയിച്ചു. ഡി.ജി.സി.എയില് നിന്നാണ് ഷെഡ്യൂളിന് അനുമതി ലഭിക്കേണ്ടത്.
https://www.facebook.com/Malayalivartha
