കേരളത്തിന് നാല് കോടി നല്കാന് ഷാര്ജ ഭരണാധികാരി ഷെയ്ഖ് സുല്ത്താന് ബിന് മുഹമ്മദ് അല് ഖാസിമി
പ്രളയം ദുരന്തം വിതച്ച കേരളത്തിന് കൈത്താങ്ങായി ഷാര്ജ ഭരണാധികാരി ഷെയ്ഖ് സുല്ത്താന് ബിന് മുഹമ്മദ് അല് ഖാസിമി. ആദ്യഘട്ടമായാണ് ഈ സഹായം നല്കുക. യു.എ.ഇ റെഡ് ക്രസന്റ് വഴി കേരളത്തില് വന്തോതില് ജീവകാരുണ്യ സഹായം ഉറപ്പാക്കാനും തീരുമാനിച്ചിട്ടു. വേദനിക്കുന്ന കേരളത്തിന്റെ കണ്ണീരൊപ്പാന് യു.എ.ഇ വൈസ്പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാശിദ് ആല് മക്തൂം ആഹ്വാനം ചെയ്തിരുന്നു.
നൂറ്റാണ്ടുകള് നീണ്ട യു.എ.ഇ-ഇന്ത്യ ബന്ധത്തിന്റെ ആഴവും യു.എ.ഇയുടെ മഹിത പാരമ്പര്യവും വ്യക്തമാക്കുന്ന ഹൃദ്യമായ ആഹ്വാനമാണ് ശൈഖ് മുഹമ്മദ് ട്വിറ്ററിലൂടെ പങ്കുവെച്ചത്. സാധാരണ ഇംഗ്ലീഷിലും അറബിയിലുമാണ് ശൈഖ് മുഹമ്മദിന്റെ ട്വീറ്റുകള് ലഭ്യമാവാറെങ്കില് മലയാളി സമൂഹത്തിലേക്ക് സന്ദേശം കൂടുതല് ശക്തമായി എത്തുക എന്ന ലക്ഷ്യത്തോടെ മലയാളത്തിലും ഇവ പങ്കുവെച്ചിട്ടുണ്ട്. ദുരിത ബാധിതരെ സഹായിക്കാന് യു.എ.ഇ യും ഇന്ത്യന് സമൂഹവും ഒരുമിച്ചു പ്രവര്ത്തിക്കുമെന്നും അടിയന്തര സഹായം നല്കാന് കമ്മിറ്റി രൂപവത്കരിച്ചതായും ശൈഖ് മുഹമ്മദ് വ്യക്തമാക്കി.
കേരളത്തിലുണ്ടായ പ്രളയത്തിന്റെ ഇരകള് അനുഭവിച്ച ദുരിതത്തില് അനുശോചിച്ച് യു.എ.ഇ പ്രസിഡന്റ് ശൈഖ് ഖലീഫ ബിന് സായിദ് ആല് നഹ്യാന് ഇന്ത്യന് പ്രസിഡന്റ് രാംനാഥ് കോവിന്ദിന് സന്ദേശമയച്ചു. ദുരന്തത്തില് സഹാനുഭൂതി പ്രകടിപ്പിച്ച ശൈഖ് ഖലീഫ പരിക്കേറ്റവര് പെട്ടെന്ന് രോഗമുക്തരാകട്ടെയെന്നും ആശംസിച്ചു.
യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാശിദ് ആല് മക്തൂം, അബൂദബി കിരീടാവകാശിയും യു.എ.ഇ സായുധസേന ഡെപ്യൂട്ടി സുപ്രീം കമാന്ഡറുമായ ശൈഖ് മുഹമ്മദ് ബിന് സായിദ് ആല് നഹ്യാന് തുടങ്ങിയവരും സമാന സന്ദേശങ്ങള് ഇന്ത്യന് പ്രസിഡന്റിന് അയച്ചു. നാലുകോടി രൂപ സഹായധനം നല്കും.കേരള മുഖ്യമന്ത്രിയുടെ ദുരിതാശ്വാസ നിധിയിലേക്ക് ഈ തുക ഉടന് കൈമാറുമെന്ന് അദ്ദേഹത്തിന്റെ സാമ്ബത്തിക കാര്യ ഉപദേഷ്ടാവ് സയീദ് മുഹമ്മദ് അറിയിച്ചു.
https://www.facebook.com/Malayalivartha