ഷാര്ജ സജ വ്യവസായമേഖലയില് നിന്ന് വന് കവര്ച്ചാ സംഘത്തെ പിടികൂടി ഷാര്ജ പൊലീസ്; വെയര് ഹൗസുകള്, നിര്മാണത്തിലുള്ള കെട്ടിടങ്ങള് എന്നിവിടങ്ങളില് നിന്നുമാണ് വിലപിടിപ്പുള്ള സാനധനങ്ങള് മോഷ്ടിക്കുന്നത്
02 SEPTEMBER 2018 05:07 AM IST
മലയാളി വാര്ത്ത
വെയര് ഹൗസുകള്, നിര്മാണത്തിലുള്ള കെട്ടിടങ്ങള് എന്നിവിടങ്ങളില് നിന്നു വിലപിടിപ്പുള്ള സാനധനങ്ങള് മോഷ്ടിക്കുന്ന 17 അംഗ സംഘത്തെ ഷാര്ജ പൊലീസ് അറസ്റ്റ് ചെയ്തു. സജ വ്യവസായ മേഖലയില് നിന്നാണ് അനധികൃത താമസക്കാരായ ഏഷ്യക്കാര് കവര്ച്ച നടത്തിയിരുന്നത്.
കഴിഞ്ഞ ദിവസം സജയിലെ ഒരു വെയര് ഹൗസ് സുരക്ഷാ ജീവനക്കാരനെ ആക്രമിച്ച് രണ്ട് മൊബൈല് ഫോണുകളും പണവും തട്ടിയെടുത്തിരുന്നു. ഇതേ തുടര്ന്നാണ് പൊലീസ് അന്വേഷണം ആരംഭിച്ചതെന്ന് ഷാര്ജ പൊലീസ് കുറ്റാന്വേഷണ വിഭാഗം തലവന് ലഫ്. കേണല് മുഹമ്മദ് ഹസ്സന് അല് ഷംസി പറഞ്ഞു.
വൈകാതെ തന്നെ 17 പേരേയും വിവിധ സ്ഥലങ്ങളില് നിന്നായി അറസ്റ്റ് ചെയ്തു. ഇവരിലൊരാള് സംഘത്തില് നിന്ന് തൊണ്ടിമുതലുകള് വാങ്ങിക്കുന്നയാളാണ്. പ്രതികളെ പബ്ലിക് പ്രോസിക്യൂഷന് കൈമാറി
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
