തൊഴില്‍ റിക്രൂട്ട്‌മെന്റില്‍ രോഗബാധിതരെ വിലക്കാന്‍ സൗദി അടക്കമുള്ള ജി.സി.സി രാജ്യങ്ങള്‍ തീരുമാനിച്ചു.
ള്‍ഫ് നാടുകളില്‍ ഓരോ വര്‍ഷവും റിക്രൂട്ട് ചെയ്യപ്പെടുന്ന രണ്ട് ദശലക്ഷത്തോളം വരുന്ന വിദേശ ജോലിക്കാരില്‍ 10 ശതമാനം നിത്യരോഗികളാണെന്ന റിപ്പോര്‍ട്ടിന്റെ അടിസ്ഥാനത്തിലാണ് പുതിയ തീരുമാനം. ഇവരില്‍ പ്രമേഹം, പ്രഷര്‍ തുടങ്ങിയ രോഗങ്ങളാണ് കൂടുതലായും കാണുന്നത്.
കര്‍ശനമായ വൈദ്യ പരിശോന നടത്തി രോഗമുക്തരെന്ന് സ്ഥിരീകരിച്ച വിദേശികള്‍ക്ക് മാത്രം വിസ അനുവദിച്ചാല്‍ മതിയെന്നാണ് തീരുമാനം. ഗള്‍ഫ് രാജ്യങ്ങളിലെ ആരോഗ്യ സുരക്ഷ ഉറപ്പുവരുത്തുന്നതിന്റെ ഭാഗമായാണ് നടപടി.

ജി.സി.സി അംഗ രാജ്യങ്ങളിലെ ആരോഗ്യ സുരക്ഷക്ക് ഭീഷണി ഉയര്‍ത്തുന്നുവെന്ന് കണ്ടതിന്റെ അടിസ്ഥാനത്തില്‍ രോഗ ബാധിതരായ വിദേശികളെ റിക്രൂട്ട് ചെയ്യേണ്ടതില്ലെന്നത്‌ കൂട്ടായെടുത്ത തീരുമാനമാണെന്ന് ഗള്‍ഫ് ഹെല്‍ത്ത് മിനിസ്‌റ്റേഴ്‌സ് കൗണ്‍സില്‍ ഡയറക്ടര്‍ ജനറല്‍ തൗഫീഖ് ഖോജ പറഞ്ഞു. ഇതുവരെ ഇത്തരം രോഗികള്‍ ജി.സി.സി രാജ്യങ്ങള്‍ക്ക് ആരോഗ്യഭീഷണി ഉയര്‍ത്തിയി കണ്ടിട്ടില്ല അദ്ദേഹം കൂട്ടിച്ചേര്‍ത്തു.
വിദേശ രാജ്യങ്ങളില്‍ ആരോഗ്യപരിശോധനക്കായി നിയോഗിക്കപ്പെട്ട 11 ഓളം സ്ഥാപനങ്ങള്‍ താല്‍ക്കാലികമായും മൂന്ന് കേന്ദ്രങ്ങള്‍ പൂര്‍ണമായും നിയമം ലംഘിച്ചതായി ശ്രദ്ധയില്‍പ്പെട്ടതിന്റെ അടിസ്ഥാനത്തില്‍ അടച്ചുപൂട്ടിയതായി അദ്ദേഹം വ്യക്തമാക്കി. ഇന്ത്യ അടക്കമുള്ള 18 ഓളം രാജ്യങ്ങളില്‍ ജി.സി.സി അംഗീകൃത മെഡിക്കല്‍ സെന്ററുകള്‍ പ്രവര്‍ത്തിക്കുന്നുണ്ട്.

 ഇന്ത്യ, പാകിസ്താന്‍, ബംഗ്‌ളാദേശ്, ഫിലിപ്പീന്‍സ്, ഈജിപ്ത് തുടങ്ങിയ രാജ്യങ്ങളില്‍നിന്നാണ് ജോലിക്കാരെ കൂടുതലും റിക്രൂട്ട് ചെയ്യുന്നത്. സൗദിയിലേക്ക് ജോലിക്കത്തെിയ 14 പേരെ വൈദ്യപരിശോധനയില്‍ പരാജയപ്പെട്ടത് കാരണം തിരിച്ചയച്ചതായും തൗഫീഖ് ഖോജ പറഞ്ഞു.പുതിയ നടപടിമൂലം രോഗികളായ തൊഴിലന്വേഷകരെ ഒഴിവാക്കാന്‍ അതത് രാജ്യങ്ങളിലെ റിക്രൂട്ടിങ് ഏജന്‍സികള്‍ക്ക് കഴിയുമെന്നും അദ്ദേഹം വ്യക്തമാക്കി.
എന്നാല്‍ വിദേശരാജ്യങ്ങളിലെ നിലവിലുള്ള പരിശോധനസമ്പ്രദായം കാന്‍സര്‍ പോലെയുള്ള ഗുരുതരമായ രോഗങ്ങള്‍ കണ്ടത്തൊന്‍ പര്യാപ്തമല്ല അത്തരം പരിശോധനകള്‍ ഏര്‍പ്പെടുത്തുന്നത് റിക്രൂട്ടിങ്ങിന് കൂടുതല്‍ ചെലവ് വരുത്തുമെന്നതിനാലാണ് ജോലിക്കാരെ ജി.സി.സി രാജ്യങ്ങളില്‍ പ്രവേശിച്ചശേഷം രണ്ടാമത് പരിശോധനക്ക് വിധേയമാക്കുന്നത്.
ഭാവിയില്‍ ഗള്‍ഫ് രാജ്യങ്ങളിലെ ആരോഗ്യസുരക്ഷക്ക് പ്രാധാന്യം നല്‍കുന്ന വിധത്തിലായിരിക്കും വിദേശ രാജ്യങ്ങളില്‍നിന്നുള്ള ജോലിക്കാരുടെ റിക്രൂട്ട്‌മെന്റ് നടക്കുകയെന്നാണ് ഗള്‍ഫ് ഹെല്‍ത്ത് മിനിസ്‌റ്റേഴ്‌സ് കൗണ്‍സില്‍ ഡയറക്ടര്‍ ജനറല്‍ തൗഫീഖ് ഖോജയുടെ പ്രസ്താവന വ്യക്തമാക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha