കാഴ്ചക്കാര്‍ക്കു കരകൗശലത്തിന്റെ കൗതുകങ്ങള്‍ സമ്മാനിച്ച് പരവതാനികളുടെ അദ്ഭുതലോകം തുറന്നു. ഡിഎസ്എഫിനോടനുബന്ധിച്ചു ഫെസ്റ്റിവല്‍ സിറ്റിയില്‍ ആരംഭിച്ച കാര്‍പ്പെറ്റ് ഒയാസിസ് ആണ് നൂലിഴകളുടെ വര്‍ണപ്രപഞ്ചം ഒരുക്കിയത്. കസ്റ്റംസ് ഡയറക്ടര്‍ അഹമ്മദ് മഹ്ബൂബ് മുസാബിഹ് ഉദ്ഘാടനം ചെയ്തു.  യുഎഇ വൈസ് പ്രസി ഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമിന്റെ ചിത്രം പരവതാനിയില്‍ നെയ്‌തെടുത്തതാണു മുഖ്യ ആകര്‍ഷണം. 

രണ്ടു ചതുരശ്രമീറ്റര്‍ വിസ്തൃതിയില്‍ 120 പ്രകൃതിദത്ത വര്‍ണങ്ങള്‍ ഉപയോഗിച്ചാണ് ഇതു പൂര്‍ത്തിയാക്കിയത്. 50% വീതം പട്ടും പരുത്തിനൂലും ഉപയോഗിച്ച് 2000 പേര്‍ മൂന്നു വര്‍ഷ കൊണ്ടാണു നെയ്തത്.  ഇത്തരത്തില്‍ 200 കോടി ദിര്‍ഹം മൂല്യമുള്ള 2,20,000 പരവതാനികള്‍ മേളയെ സമ്പന്നമാക്കുന്നു. നൂറ്റാണ്ടുകള്‍ക്കു മുന്‍പു കഅ്ബയില്‍ അണിയാനുള്ള കി സ്‌വ കൊണ്ടുപോയിരുന്ന അല്‍ മഹ്മല്‍ ആണ് ശേഖരത്തിലെ മറ്റൊരു ആകര്‍ഷണം.  സ്വര്‍ണ-വെള്ളി നൂലുകള്‍കൊണ്ടാണ് ഈ പല്ലക്ക് പൂര്‍ത്തിയാക്കിയത്. ഇരുവശവും ഉപയോ ഗിക്കാവുന്ന മാജിക് കാര്‍പ്പെറ്റുമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha