വൈവിധ്യമാര്‍ന്ന പരിപാടികളോടെ മസ്‌ക്കറ്റ് ഫെസ്റ്റിവെല്‍ വീണ്ടും സജീവമായി
അപ്രതീക്ഷിതമായി വന്ന മഴയ്ക്കും സൗദി രാജാവിന്റെ മരണത്തെത്തുടര്‍ന്നുള്ള ദുഃഖാചരണദിനങ്ങള്‍ക്കും ശേഷം മസ്‌കറ്റ് ഫെസ്റ്റിവെല്‍ സജീവമായി. കഴിഞ്ഞ തിങ്കളാഴ്ച ആഞ്ഞുവീശിയ മഴയും കാറ്റിനെയുംതുടര്‍ന്ന് മൂന്നുദിവസം ഫെസ്റ്റിവെല്‍ നഗരി അടച്ചിട്ടിരുന്നു. അമിറാത്ത്, നസീം പാര്‍ക്കുകള്‍, സീബ് ബീച്ച്, മറ്റ് കേന്ദ്രങ്ങള്‍ എന്നിവിടങ്ങളിലാണ് പരിപാടികള്‍ സജീവമായിനടക്കുന്നത്. നഗരിയില്‍ വൈവിധ്യമാര്‍ന്ന പരിപാടികളാണ് ഒരുക്കിയിരിക്കുന്നത്.
അമിറാത്ത്പാര്‍ക്കിലെ ഒമാന്‍ ഹെറിറ്റേജ് വില്ലേജില്‍ രാജ്യത്തിന്റെ ചരിത്രവും പാരമ്പര്യവും സംസ്‌കാരവും ജീവിതരീതിയും വ്യക്തമാക്കുന്ന നിരവധി സ്റ്റാളുകളും പ്ലോട്ടുകളും ഒരുക്കിയിട്ടുണ്ട്. രാജ്യാന്തര ക്രാഫ്റ്റ്, ആര്‍ട്ട് എക്‌സിബിഷനില്‍ പതിനൊന്ന് രാജ്യങ്ങള്‍ പങ്കെടുക്കുന്നുണ്ട്. അറബ് തനത് ജീവിതശൈലി പുനരാവിഷ്‌കരിക്കുന്ന പൈതൃകഗ്രാമം ഒട്ടേറെ ശ്രദ്ധ ആകര്‍ഷിക്കുന്നുണ്ട്. ഫെസ്റ്റിവെലില്‍ ആദ്യമായെത്തിയ ഐസ് വില്ലേജ്കുട്ടികളെയും മുതിര്‍ന്നവരെയും ഒരുപോലെ ആകര്‍ഷിക്കുന്നു. അമിറാത്ത് പാര്‍ക്കിലെ ഈന്തപ്പഴത്തിന്റെയും തേനിന്റെയും സ്റ്റാളുകള്‍ ഏറെ ശ്രദ്ധേയമാണ്. സീബിലെ ഹെയില്‍ബീച്ചിലാണ് ബാസ്‌കറ്റ് ബോള്‍, വോളിബോള്‍, മത്സരങ്ങള്‍ ഒരുക്കിയിരിക്കുന്നത്. കുതിരപ്പന്തയം തുടങ്ങിയ ഇനങ്ങളും ഇവിടെ നടക്കുന്നുണ്ട്.
https://www.facebook.com/Malayalivartha
