കുവൈത്തില് അര്ദ്ധരാത്രിക്ക് ശേഷമുള്ള കച്ചവടത്തിന് നിരോധനം ഏര്പ്പെടുത്തി
അര്ധരാത്രിയോടെ രാജ്യത്തെ കടകള്, റെസ്റ്റോറന്റുകള്, കഫേകള്, ബില്യാര്ഡ് കേന്ദ്രങ്ങള് തുടങ്ങിയവ അടച്ചുപൂട്ടുന്നതിനുള്ള നിയമത്തിന് കുവൈത്ത് മന്ത്രിസഭ അനുമതി നല്കി. രാജ്യ പൊതുസുരക്ഷ കണക്കിലെടുത്താണ് രാത്രികാലങ്ങളില് പ്രവര്ത്തിക്കുന്ന സ്വകാര്യ സ്ഥാപനങ്ങള്ക്ക് കര്ശനമായ നിര്ദേശം നല്കിയിട്ടുള്ളതെന്ന് മുനിസിപ്പാലിറ്റി അധികൃതര് അറിയിച്ചു.
ആഭ്യന്തരമന്ത്രാലയവും മുനിസിപ്പാലിറ്റിയും സംയുക്തമായെടുത്ത തീരുമാനമാണെന്ന് മുനിസിപ്പാലിറ്റി ഡയറക്ടര് സുബൈ അറിയിച്ചു. നിയമം രാജ്യത്തെങ്ങുമുള്ള വാണിജ്യ, വ്യവസായ, ധനനിക്ഷേപ, താമസമേഖലകളില് പ്രവര്ത്തിക്കുന്ന സ്ഥാപനങ്ങള്ക്കും ബാധകമാണ്. എന്നാല് ഷുവൈഖ് വ്യവസായ മേഖല, ഷര്ഖ്, ആര്ദിയ, സബ്ഹാന്, ഫഹാഹീല് പ്രദേശങ്ങളില് രാത്രി 10 മണിയോടെ സ്ഥാപനങ്ങള് അടയ്ക്കണം. രാജ്യ പൊതുസുരക്ഷയ്ക്ക് ഭീഷണിയാകുന്ന കുറ്റകൃത്യങ്ങള് വര്ധിച്ചുവരുന്ന സാഹചര്യത്തില് പൊതുരക്ഷാ വിഭാഗം മേധാവി മേജര് ജനറല് അബ്ദുല്ഫത്താഹ് അല്അലിയുടെ നേതൃത്വത്തില് സുരക്ഷാവിഭാഗം ശക്തമായ നിരീക്ഷണത്തിലാണെന്നും നിയമം ലംഘിക്കുന്നവരെ നേരിടുന്നതിന് രാജ്യത്തെ 6 ഗവര്ണറേറ്റുകള് കേന്ദ്രീകരിച്ച് വേണ്ട ക്രമീകരണങ്ങള് സജ്ജമാണെന്നും സുബൈ വ്യക്തമാക്കി.
അതോടൊപ്പം രാജ്യത്ത് ഇസ്ലാമിക ധാര്മികമൂല്യങ്ങള് അടങ്ങിയ നിയമങ്ങളും മാനദണ്ഡങ്ങളും ലംഘിച്ച് പ്രവര്ത്തിക്കുന്ന വ്യാപാരസ്ഥാപനങ്ങള്ക്കെതിരെ നടപടി ശക്തമാക്കുന്നതിന് മുനിസിപ്പല് വകുപ്പ് മന്ത്രി ഈസ അല്കന്ദരി ബന്ധപ്പെട്ടവര്ക്ക് നിര്ദേശം നല്കി.
വ്യാപാരസ്ഥാപനങ്ങള് മൂല്യങ്ങള്ക്ക് വിലകല്പിക്കുന്നില്ല എന്ന വ്യാപകമായ പരാതികളുടെ അടിസ്ഥാനത്തിലാണ് നടപടി കര്ശനമാക്കുന്നത്. അടച്ച്പൂട്ടുന്നതിനും പിഴ ഈടാക്കുന്നതിനും നടപടി ഉണ്ടാകുമെന്നും മുനിസിപ്പല് മന്ത്രി മുന്നറിയിപ്പ് നല്കി.
ഇസ്ലാമിക മൂല്യങ്ങളിലൂന്നിയ നിയമത്തിന് വിധേയമായിട്ടാണ് സ്ഥാപനങ്ങള്ക്ക് ലൈസന്സ് നല്കുന്നത്. എന്നാല് ആരോഗ്യത്തിന് ഹാനികരമായ ഭക്ഷ്യവസ്തുക്കള് കച്ചവടം ചെയ്യുകയും സ്ത്രീകളുടെ ബ്യൂട്ടിപാര്ലറുകളിലും ഹെല്ത്ത് സെന്ററുകളിലും പുരുഷന്മാരും പുരുഷന്മാരുടെ സെന്ററുകളില് സ്ത്രീകളും ജോലിചെയ്യുന്നത് നിയമലംഘനമാണ്. അത്തരം സ്ഥാപനങ്ങള് അടച്ച്പൂട്ടുന്നതിനും 500 മുതല് 1000 ദിനാര് വരെ പിഴ ഈടാക്കുന്നതിനുമാണ് ആലോചിക്കുന്നത്.
https://www.facebook.com/Malayalivartha