യു.എ.ഇയുടെ പുതിയ ബജറ്റ് എയർലൈൻ എയര് അറേബ്യ അബുദാബി ജൂലൈ 14 മുതല് സര്വീസ് തുടങ്ങും; ഉപയോക്താക്കൾക്ക് എയർ അറേബ്യയുടെ വെബ്സൈറ്റിൽ നേരിട്ട് ബുക് ചെയ്യാൻ സാധിക്കും
യു.എ.ഇയുടെ പുതിയ ബജറ്റ് എയർലൈൻ ‘എയർ അറേബ്യ അബൂദബി’14ന് സർവിസ് ആരംഭിക്കുമെന്ന് റിപ്പോർട്ട്. അബൂദബിയിൽനിന്ന് ഈജിപ്തിലെ അലക്സാണ്ട്രിയയിലേക്കാണ് പ്രഥമ സർവിസ് നടത്തുന്നത്. അടുത്ത ദിവസം സോഹാഗിലേക്കും സർവിസ് നടത്തുന്നതായിരിക്കും. ഉപയോക്താക്കൾക്ക് എയർ അറേബ്യയുടെ വെബ്സൈറ്റിൽ നേരിട്ട് ബുക് ചെയ്യാവുന്നതാണ്. അതോടൊപ്പം തന്നെ കൂടുതൽ അന്താരാഷ്ട്ര ലക്ഷ്യസ്ഥാനങ്ങളിലേക്കും സമീപ ഭാവിയിൽ വിമാനം പറക്കുന്നതായിരിക്കും.
കൊറോണ വ്യാപനത്തിൽ ബുദ്ധിമുട്ടുന്നവർക്ക് അബൂദബിയിൽനിന്നുള്ള പ്രഥമ ബജറ്റ് എയർലൈൻ ഏറെ പ്രയോജനകരമാവുന്നതായിരിക്കും. യു.എ.ഇ തലസ്ഥാന നഗരിയിലെ ആദ്യത്തെ കുറഞ്ഞ നിരക്കിലുള്ള വ്യോമയാന കമ്പനിയാണ് എയർ അറേബ്യ അബൂദബി എന്ന പ്രത്യേകതയും ഉണ്ട്. ബജറ്റ് എയർലൈൻ പദ്ധതി യാഥാർഥ്യമാവുന്നതിൽ അഭിമാനിക്കുന്നതായി ഇത്തിഹാദ് ഏവിയേഷൻ ഗ്രൂപ് സി.ഇ.ഒ ടോണി ഡഗ്ലസ് വെളിപ്പെടുത്തുകയുണ്ടായി.
അതോടൊപ്പം തന്നെ അബൂദബി അന്താരാഷ്ട്ര വിമാനത്താവളം ആസ്ഥാനമാക്കി എയർബസ് എ 320 വിമാനങ്ങളാണ് ബജറ്റ് എയർലൈൻ സേവനത്തിനായി വിന്യസിക്കുന്നത്. കുറഞ്ഞ നിരക്ക് വാഗ്ദാനം ചെയ്യുന്നത് കൂടുതൽ യാത്രക്കാരെ അബൂദബി എമിറേറ്റിലേക്ക് ആകർഷിക്കാനാകുന്നതാണ്. അതേസമയം കോവിഡ് മൂലം വ്യോമയാന മേഖല വെല്ലുവിളികൾ നേരിടുമ്പോഴും വിമാനസർവിസ് ആരംഭിക്കാനായത് യു.എ.ഇ വ്യോമയാന മേഖലയുടെ പ്രതിബദ്ധതയുടെ തെളിവാണെന്ന് എയർ അറേബ്യ ഗ്രൂപ് സി.ഇ.ഒ ആദിൽ അൽ അലി വ്യക്തമാക്കി. ഇത്തരത്തിൽ ചൊവ്വ, വ്യാഴം, ശനി ദിവസങ്ങളിലാണ് അലക്സാണ്ട്രിയ ബോർഗ് അൽ അറബ് വിമാനത്താവളത്തിലേക്ക് സർവിസ് നടത്തുന്നത്.
https://www.facebook.com/Malayalivartha