യൂഎഇയിലേക്ക് മടങ്ങാൻ ജൂലൈ 12 മുതല് ജൂലൈ 26 വരെ വിമാന സര്വീസ്; യു.എ.ഇ വിസ നിയമങ്ങളിൽ ഭേദഗതി, പ്രവാസികളുടെ താമസ വിസ, എൻട്രി പെർമിറ്റ്, തിരിച്ചറിയൽ കാർഡ് എന്നിവയുമായി ബന്ധപ്പെട്ട് പ്രഖ്യാപിച്ച മുഴുവൻ തീരുമാനങ്ങളും നാളെ മുതൽ നിർത്തുന്നു
കൊറോണ വ്യാപനത്തിന്റെ പശ്ചാത്തലത്തിൽ വന്ദേഭാരത് മിഷന്റെ ഭാഗമായി പ്രവാസികള്ക്ക് യുഎഇയിലേക്ക് തിരികെ പോകാനുളള വിമാനസര്വീസ് നാളെ ആരംഭിക്കുന്നതായി റിപ്പോർട്ട്. ഇതേതുടർന്ന് കേരളത്തില് നിന്നുളള ആദ്യ വിമാനം തിരുവനന്തപുരത്ത് നിന്ന് പുറപ്പെടുകയും ചെയ്യും. എന്നാൽ കര്ശന നിബന്ധനകളോടെയാണ് ടിക്കറ്റ് ബുക്കിങ് ആരംഭിച്ചിരിക്കുന്നത്. എയര് ഇന്ത്യ, എയര് ഇന്ത്യ എക്സ്പ്രസ് വിമാനങ്ങളില് ജൂലൈ 12 മുതല് ജൂലൈ 26 വരെയാണ് വിമാന സര്വീസ് നടത്തുന്നത്. നിലവില് വന്ദേഭാരത് സര്വീസ് ആരംഭിച്ച എല്ലാ മേഖലകളില് നിന്നും വിമാനങ്ങളുണ്ടാകുന്നതാണ്.
അതേസമയം കോവിഡ് ഭീതിയൊഴിഞ്ഞ് കാര്യങ്ങൾ സാധാരണ ജീവിതത്തിലേക്ക് എത്തുന്ന സാഹചര്യത്തിൽ യു.എ.ഇ വിസ നിയമങ്ങളിൽ ഭേദഗതി വരുത്തി. ജുലൈ 12 മുതൽ വിസയുമായി ബന്ധപ്പെട്ട ഫീസുകളും പിഴകളും ഈടാക്കാൻ മന്ത്രിസഭ അനുമതി നൽകിയിരിക്കുന്നത്. പ്രവാസികളുടെ താമസ വിസ, എൻട്രി പെർമിറ്റ്, തിരിച്ചറിയൽ കാർഡ് എന്നിവയുമായി ബന്ധപ്പെട്ട് പ്രഖ്യാപിച്ച മുഴുവൻ തീരുമാനങ്ങളും നാളെ മുതൽ നിർത്തുകയാണെന്നും ഫെഡറൽ അതോറിറ്റി ഫോർ ഐഡൻറിറ്റി ആൻഡ് സിറ്റിസൻഷിപ്പ് ട്വീറ്റ് ചെയ്യുകയുണ്ടായി. എന്നാൽ, ഡിസംബർ വരെ കാലാവധി നീട്ടി നൽകിയ വിസിറ്റ് വിസക്കാർക്കും മറ്റും പുതിയ ഭേദഗതി ബാധകമാകുമോ എന്ന കാര്യത്തിൽ അവ്യക്തത നിലവിൽ നിലനിൽക്കുകയാണ്.ആറ് മാസത്തിൽ കൂടുതൽ രാജ്യത്തിന് പുറത്ത് നിന്ന താമസവിസക്കാർക്ക് മടങ്ങിയെത്താനും രേഖകൾ ശരിയാക്കാനും ഗ്രേസ് പിരിയഡ് അനുവദിക്കുന്നതായിരിക്കും.
അതോടൊപ്പം തന്നെ മാർച്ച് ഒന്നോടെ താമസവിസയുടെ കാലാവധി തീർന്ന, രാജ്യത്തിന് പുറത്തുള്ള പ്രവാസികൾക്കും യു.എ.ഇക്ക് പുറത്ത് ആറ് മാസത്തിലേറെയായി തുടരുന്നവർക്കും തിരിച്ചുവരാൻ ഗ്രേസ് പിരിയഡ് അനുവദിക്കുന്നതായിരിക്കും. ഇരു രാജ്യങ്ങൾക്കുമിടയിൽ വിമാനസർവീസ് ആരംഭിക്കുന്നതുമായി ബന്ധപ്പെട്ടായിരിക്കും ഗ്രേസ് പിരിയഡ് തീരുമാനിക്കുന്നത്. ഈ കാലയളവിൽ തിരിച്ചുവരുന്നവർക്ക് പിഴ ബാധകമല്ല എന്നതാണ്. മറ്റ് അഡ്മിനിസ്ട്രേറ്റീവ് ഫീസുകളും പിഴകളും ജൂലൈ 12 മുതൽ നിലവിൽ വരുന്നതാണ്. രാജ്യത്തിന് അകത്തുള്ള താമസവിസക്കാർക്ക് രേഖകൾ ശരിയാക്കാൻ മൂന്ന് മാസം സമയം അനുവദിക്കുന്നത്. ആറ് മാസത്തിൽ താഴെ രാജ്യത്തിന് പുറത്തുനിൽക്കുന്ന റെസിഡൻറ് വിസക്കാർക്ക് ഒരുമാസം ഗ്രേസ് പിരിയഡ് അനുവദിക്കുകയും ചെയ്യും.
https://www.facebook.com/Malayalivartha