ലക്ഷക്കണക്കിന് ആളുകൾ പിന്തുടരുന്ന തന്റെ ട്വിറ്റർ പേജിന്റെ പ്രൊഫൈൽ ഫോട്ടോ യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം വെള്ളിയാഴ്ച മാറ്റിയത് അംബരപ്പോടെയാണ് ലോകം കാണുന്നത്. എന്തെന്നാൽ ട്വിറ്റർ അക്കൗണ്ട് തുടങ്ങി പതിനൊന്നുവർഷത്തിനുശേഷം ആദ്യമായാണ് ഇത്തരമൊരു നടപടി എന്നതാണ്.

അതായത് ‘അറബികൾ ചൊവ്വയിലേക്ക്’ എന്നു കുറിച്ചുകൊണ്ട് 2020 വർഷത്തിന്റെ പ്രാധാന്യം രേഖപ്പെടുത്തിക്കൊണ്ടുള്ളതാണ് ഭരണാധികാരിയുടെ പുതിയ പ്രൊഫൈൽ ഫോട്ടോ. യു.എ.ഇ.യുടെ ചൊവ്വാദൗത്യത്തിന്റെ പേരുകൂടിയാണ് ‘ഹോപ്പ് പ്രോബ്-2020’ എന്നത്. ഇതാണ് ലോഗോ ആയി അപ്‌ലോഡ് ചെയ്തിരിക്കുന്നത്.

അതോടൊപ്പം തന്നെ അറബ് ലോകത്തുനിന്നുള്ള ആദ്യ ചൊവ്വാ ദൗത്യമാണ് ഏതാനുംദിവസങ്ങൾക്കകം യു.എ.ഇ നടത്താൻ പോകുന്നത്. ആ മുഹൂർത്തത്തെ എടുത്തുകാട്ടുകയാണ് പുതിയ പ്രൊഫൈൽ ഫോട്ടോ വർഷങ്ങൾക്കിപ്പുറം മാറ്റുന്നത്.

‘വരുംനാളുകളിൽ ചൊവ്വയിലേക്കുള്ള ദൗത്യത്തിന് നാം തുടക്കംകുറിക്കും. അറബ് ലോകത്തിന്റെ ആദ്യ സംരംഭമാണിത്. ബഹിരാകാശ ശാസ്ത്രസാങ്കേതികവിദ്യകളിലേക്ക് അറബ് യുവത്വത്തെ ആകർഷിക്കാനും പരി ശീലിപ്പിക്കാനുമുള്ള പുതിയൊരു പദ്ധതികൂടി ഇന്നുപ്രഖ്യാപിക്കുകയാണെന്നും’ എന്നും ശൈഖ് മുഹമ്മദ് തന്റെ ട്വിറ്റർ സന്ദേശത്തിൽ പറയുന്നുണ്ട്. യു.എ.ഇ.യുടെ ചൊവ്വാപര്യവേക്ഷണത്തിന് ഈ വർഷം ജൂലായ്-ഓഗസ്റ്റ് മാസത്തിൽ തുടക്കംകുറിക്കുന്നതാണ്. ജപ്പാനിലെ വിക്ഷേപണകേന്ദ്രത്തിൽനിന്ന് 2021 ഫെബ്രുവരിയിൽ വിക്ഷേപണം നടത്താനാണ് ഇവർ ലക്ഷ്യമിടുന്നത്. 2018-ൽ യു.എ.ഇ.യുടെ ഖലീഫാസാറ്റ് എന്ന ഉപഗ്രഹം വിക്ഷേപിച്ചതും ഇവിടെവെച്ച് തന്നെയായിരുന്നു.

അതേസമയം 2009-ലാണ് ശൈഖ് മുഹമ്മദ് ട്വിറ്റർ പേജ് ആരംഭിക്കുന്നത്. ഇപ്പോൾ 10.3 ദശലക്ഷം ആളുകളാണ് അദ്ദേഹത്തെ ട്വിറ്ററിൽ പിന്തുടരുന്നത് പോലും. ലോകത്തിൽ ഏറ്റവുംകൂടുതൽ ജനം പിന്തുടരുന്ന ലോകനേതാക്കളിൽ ഒരാളാണ് ശൈഖ് മുഹമ്മദ് എന്നത് മറ്റൊരു വിശേഷണം തന്നെയാണ്.