കൊച്ചി ഉള്‍പ്പെടെ ആറ് ഇന്ത്യന്‍ നഗരങ്ങളില്‍ നിന്ന് അബുദാബിയിലേക്ക് ഇത്തിഹാദ് എയര്‍വേയ്‌സിന്‍റെ പ്രത്യേക സര്‍വ്വീസുകള്‍ നാളെ മുതൽ തുടങ്ങുകയാണ്. അങ്ങനെ നാളെ മുതല്‍ ഈ മാസം 26 വരെയാണ് സര്‍വ്വീസുകള്‍ ക്രമീകരിച്ചിരിക്കുന്നത് എന്നാണ് ലഭ്യമാകുന്ന വിവരം. കൊച്ചി, ബെംഗളൂരു, ചെന്നൈ, ദില്ലി, ഹൈദരാബാദ്, മുംബൈ എന്നിങ്ങനെ ഇന്ത്യയിലെ ആറ് നഗരങ്ങളിൽ നിന്നാണ് ഇത്തരത്തിൽ പ്രത്യേക സര്‍വ്വീസുകള്‍ നിശ്ചയിച്ചിരിക്കുന്നത്. ഇന്ത്യക്കാരായ യുഎഇ താമസവിസക്കാരില്‍ അനുമതി ലഭിച്ചവര്‍ക്ക് തിരികെ മടങ്ങാവുന്നതാണ്.

അതോടൊപ്പം തന്നെ അബുദാബി ഐസിഎയില്‍ നിന്നാണ് അനുമതി നേടേണ്ടത്. അനുമതി ലഭിക്കാത്തവര്‍ക്ക് യാത്ര ചെയ്യാനാകില്ലെന്നും ഇത്തിഹാദ് എയര്‍വേയ്സ് അധികൃതര്‍ വാര്‍ത്താ കുറിപ്പില്‍ വ്യക്തമാക്കുന്നു. യുഎഇ ഫെഡറല്‍ അതോറിറ്റി ഫോര്‍ ഐഡന്റിറ്റി ആന്റ് സിറ്റിസണ്‍ഷിപ്പിന്റെ ഭാഗമായുള്ളതാണ് അബുദാബി ഐസിഎ എന്നത്.

അതേസമയം കോഴിക്കോട് വിമാനത്താവളത്തില്‍ നിന്ന് യുഎഇയിലേക്കുള്ള വിമാന സര്‍വ്വീസുകള്‍ നാളെ ആരംഭിക്കുന്നതാണ്. തുടർന്ന് അബുദാബി, ഷാര്‍ജ, ദുബായ് എന്നീ വിമാനത്താവളങ്ങളിലേക്കാണ് സര്‍വ്വീസുകള്‍ ഉണ്ടാകുക. യുഎഇ താമസവിസയുള്ളവരില്‍ അനുമതി ലഭിച്ചവര്‍ക്ക് നാളെ മുതല്‍ ഈ മാസം 26 വരെ എയര്‍ ഇന്ത്യ എക്‌സപ്രസ് വിമാനങ്ങളില്‍ യാത്ര ചെയ്യാവുന്നതാണ്.

കരിപ്പൂരില്‍ നിന്നുള്ള സര്‍വ്വീസുകളുടെ സമയക്രമം ഇങ്ങനേ;

ജൂലൈ 12- 10.40AM (ഷാര്‍ജ)
ജൂലൈ 14- 1.40PM (ഷാര്‍ജ)
ജൂലൈ 15- 7.10AM (ഷാര്‍ജ)
ജൂലൈ 15- 2.35PM (ദുബായ്)
ജൂലൈ 16- 4.40PM (ഷാര്‍ജ)
ജൂലൈ 17- 8.00AM (അബുദാബി)
ജൂലൈ 17- 10.55 (ദുബായ്)
ജൂലൈ 18- 4.40 PM(ഷാര്‍ജ)
ജൂലൈ 20- 10.20AM (അബുദാബി)
ജൂലൈ 21- 4.40PM (ഷാര്‍ജ)
ജൂലൈ 22- 8.53AM(ദുബായ്)
ജൂലൈ 23- 7.10AM (ഷാര്‍ജ)
ജൂലൈ 24- 9.25AM (ദുബായ്)
ജൂലൈ 25- 10.40AM (ഷാര്‍ജ)
ജൂലൈ 26- 8.00AM (അബുദാബി)