ഇന്ത്യയും ഖത്തറും സംയുക്തമായി നടന്നുവരുന്ന എയർ ബബിൾ കരാർ വിജയത്തിലേക്ക് എത്തിനിൽക്കുന്ന സാഹചര്യത്തിൽ വ്യാപിപ്പിക്കാൻ നീക്കം. ഈ സഹചര്യത്തിൽ ഇന്ത്യയും ബഹ്​റൈനും തമ്മിൽ എയർ ബബ്​ൾ കരാർ ഏതുസമയവും പ്രാബല്യത്തിൽ വരാനിരിക്കേ, ഗൾഫ്​ എയർ ഇന്ത്യയിൽനിന്ന്​ ബുക്കിങ്​ തുടങ്ങിയിരിക്കുകയാണ്. സെപ്​റ്റംബർ എട്ട്​ മുതലാണ്​ സർവീസ്​ നിശ്​ചയിച്ചിരിക്കുന്നത്​​. ട്രാവൽ ഏജൻസികൾ മുഖേനയും വെബ്​സൈറ്റ്​ വഴിയുമാണ്​ ബുക്കിങ് നടത്താൻ ഇരിക്കുന്നത്​.

എന്നാൽ കേരളത്തിൽനിന്ന്​ തിരുവനന്തപുരം, കൊച്ചി, കോഴിക്കോട്​ എന്നിവിടങ്ങളിൽനിന്നാണ്​ സർവീസ് സജ്ജമാക്കിയിട്ടുള്ളത്​. കോഴിക്കോടുനിന്നുള്ള വിമാനത്തിലേക്ക്​ മുഴുവൻ സീറ്റും ഇതിനോടകം തന്നെ ബുക്ക്​ ചെയ്​തുകഴിഞ്ഞു. തുടർന്നുള്ള ദിവസങ്ങളിലേക്കും ബുക്കിങ്​ തുടങ്ങിയിട്ടുള്ളതായി റിപ്പോർട്ട്​.

കോഴിക്കോട്​ നിന്ന്​ 204 ദിനാറാണ്​ നിരക്ക് ഏർപ്പെടുത്തിയിട്ടുള്ളത്​. തിരുവനന്തപുരത്തുനിന്ന്​ 213 ദിനാറും കൊച്ചിയിൽനിന്ന്​ 180.500 ദിനാറുമാണ്​ നിരക്ക്​. കേരളത്തിന്​ പുറമേ, ഇന്ത്യയിലെ വിവിധ വിമാനത്താവളങ്ങളിൽനിന്നും ബുക്കിങ്​ തുടങ്ങിയിട്ടുണ്ട്​.

അതേസമയം എയർ ബബ്​ൾ കരാർ ഏതുസമയവും പ്രതീക്ഷിക്കാമെന്നാണ്​ ഇന്ത്യൻ അംബാസഡർ കഴിഞ്ഞ ദിവസവും സൂചന നൽകിയത്​. ഇരുരാജ്യങ്ങളും തമ്മിൽ ഇതിനായി ദ്രുതഗതിയിലുള്ള ചർച്ചകൾ പുരോഗമിച്ചു വരികയാണ്​. സന്ദർശക വിസ ഉൾപ്പെടെ ബഹ്​റൈനിൽ സാധുവായ ഏത്​ വിസയുള്ളവർക്കും വരാൻ കഴിയുമെന്നതാണ്​ എയർ ബബ്​ൾ കരാറി​െൻറ പ്രത്യേകത എന്നത്. എന്നാൽ വിസയുടെ കാലാവധി കഴിയാറായ നിരവധി പേരാണ്​ നാട്ടിൽ കുടുങ്ങിക്കിടക്കുന്നത്​. ഇതേതുടർന്ന് ഇവരെല്ലാം എയർ ബബ്​ൾ കരാറിനായി ആകാംക്ഷയോടെ കാത്തിരിക്കുകയാണ്​. ​