പുത്തൻ ഓഫറുമായി എമിറേറ്റ്സ് എയർലൈൻസ്; യാത്രാപദ്ധതികൾ മാറുകയാണെങ്കിൽ ബുക്കിങ് സൗജന്യമായി ഭേദഗതി ചെയ്യുന്നതാണ്, വിദ്യാർഥികളെ യാത്രകൾക്ക് പ്രോത്സാഹിപ്പിക്കുന്നതിനും കുടുംബങ്ങളെ കൂടുതൽ തവണ സന്ദർശിക്കുന്നതിനുമായി പുതിയ പദ്ധതി
വിദ്യാർഥികൾക്ക് പുത്തൻ ഓഫറുമായി എമിറേറ്റ്സ് എയർലൈൻസ്. യാത്രാപദ്ധതികൾ മാറുകയാണെങ്കിൽ ബുക്കിങ് സൗജന്യമായി ഭേദഗതി ചെയ്യാനുള്ള സൗകര്യം ഒരുക്കുന്നതാണ്. വിദ്യാർഥികളെ യാത്രകൾക്ക് പ്രോത്സാഹിപ്പിക്കുന്നതിനും കുടുംബങ്ങളെ കൂടുതൽ തവണ സന്ദർശിക്കുന്നതിനുമായാണ് പുതിയ ഓഫർ അവതരിപ്പിക്കുന്നതെന്ന് അധികൃതർ വ്യക്തമാക്കുകയുണ്ടായി.
അതേസമയം STUDENT എന്ന പ്രൊമോഷണൽ കോഡ് ഉപയോഗിച്ച് ഇക്കോണമി ക്ലാസ് നിരക്കിൽ 10 ശതമാനവും ബിസിനസ് ക്ലാസിൽ അഞ്ചു ശതമാനവുമാണ് കിഴിവ്. ഒക്ടോബർ 31-നകം ടിക്കറ്റ് ബുക്ക് ചെയ്യുന്നവർക്കാണ് ഓഫർ ലഭ്യമാകുക. എല്ലാ ടിക്കറ്റുകൾക്കും ഒരു വർഷമായിരിക്കും കാലാവധി ഉണ്ടാകുക.
അതോടൊപ്പം തന്നെ ബാഗേജ് അലവൻസ് 10 കിലോ കൂടുതൽ അനുവദിക്കുന്നതായിരിക്കും. ചെക്ക്-ഇൻ ചെയ്യുമ്പോൾ വിദ്യാർഥികൾ സാധുവായ സ്റ്റുഡന്റ് ഐ.ഡി.യോ സ്ഥാപനത്തിൽനിന്നുള്ള കത്തോ ഹാജരാക്കേണ്ടതാണ്. സ്വന്തം രാജ്യത്തിനു പുറത്ത് ഉപരിപഠനം നടത്തുന്ന ലക്ഷക്കണക്കിന് വിദ്യാർഥികൾക്ക് ഈ സേവനം പ്രയോജനപ്പെടുന്നത് മുൻനിർത്തിയാണ് ഇത് ഏർപ്പെടുത്തുന്നത്.
https://www.facebook.com/Malayalivartha