സൗദി അന്താരാഷ്ട്ര സർവീസുകൾ നിർത്തി; കര, നാവിക, വ്യോമ അതിര്ത്തികള് ഒരാഴ്ചത്തേക്ക് അടച്ചിടുമെന്ന് ആഭ്യന്തര മന്ത്രാലയം, അടിയന്തര സാഹചര്യം കണക്കിലെടുത്ത് അന്താരാഷ്ട്ര ഗതാഗതം സൗദി അറേബ്യ വീണ്ടും നിര്ത്തി
ബ്രിട്ടനില് കണ്ടെത്തിയ കോവിഡ് വൈറസിന്റെ പുതിയ വകഭേദം അതിവേഗം പടരുന്ന സാഹചര്യത്തില് ഇന്ത്യ ഉള്പ്പടെ വിവിധ രാജ്യങ്ങള് മുന്കരുതല് നടപടികള് സ്വീകരിക്കുകയുണ്ടായി. അടിയന്തര സാഹചര്യം കണക്കിലെടുത്ത് അന്താരാഷ്ട്ര ഗതാഗതം സൗദി അറേബ്യ വീണ്ടും നിര്ത്തിവച്ചതായുള്ള റിപ്പോർട്ടുകളാണ് ഇപ്പോൾ പുറത്ത് വരുന്നത്. കര, നാവിക, വ്യോമ അതിര്ത്തികള് ഒരാഴ്ചത്തേക്ക് അടച്ചിടുമെന്ന് ആഭ്യന്തര മന്ത്രാലയം അറിയിക്കുകയുണ്ടായി.
രാജ്യത്തെ ജനങ്ങളുടെ ആരോഗ്യ സുരക്ഷ പരിഗണിച്ചാണ് അന്താരാഷ്ട്ര ഗതാഗതം നിര്ത്തിവയ്ക്കാന് തീരുമാനിച്ചതെന്ന് ആഭ്യന്തര മന്ത്രാലയത്തെ ഉദ്ധരിച്ച് സൗദി പ്രസ് ഏജന്സി റിപ്പോര്ട്ടു ചെയ്യുകയുണ്ടായി. എന്നാൽ ആരോഗ്യ പ്രവര്ത്തകര്ക്ക് അടിയന്തിര ഘട്ടങ്ങളില് യാത്രക്കു അനുമതി നല്കുന്നതാണ്. മത്രമല്ല, നിലവില് സൗദിയിലുള്ള വിദേശ വിമാനങ്ങള്ക്ക് മടങ്ങാനും അവസരം നൽകിയിട്ടുണ്ട്. കോവിഡ് സ്ഥിതിഗതികള് വിലയിരുത്തി ആരോഗ്യമന്ത്രാലയത്തിന്റെ നിര്ദേശങ്ങള് കണക്കിലെടുത്ത് ആവശ്യമെങ്കില് യാത്രാനിരോധനം തുടരുമെന്നും സൗദി ആഭ്യന്തര മന്ത്രാലയ വൃത്തങ്ങള് വ്യക്തമാക്കുകയുണ്ടായി.
അതോടൊപ്പം തന്നെ കര, നാവിക, വ്യോമ അതിര്ത്തികളാണ് ഒരാഴ്ചത്തേക്ക് അടയ്ക്കുക. ഡിസംബര് എട്ടിന് ശേഷം യൂറോപ്യന് രാജ്യങ്ങളില് നിന്ന് സൗദിയിലെത്തിയവര് 14 ദിവസം ക്വാറന്റീനിന് കഴിയണം എന്ന നിബന്ധനയും പുറത്തിറക്കി. ഇവര് ഓരോ അഞ്ചുദിവസവും കോവിഡ് പരിശോധന നടത്തണം. മാത്രമല്ല കഴിഞ്ഞ മൂന്നു മാസത്തിനിടെ യൂറോപ്പ് സന്ദര്ശിച്ചവരും കൊവിഡ് പരിശോധന നടത്തേണ്ടതാണ്. ഇപ്പോള് സ്വീകരിച്ച നടപടികള് ഒരാഴ്ച കഴിഞ്ഞ് പുനഃപരിശോധിക്കുകയും ചെയ്യും. ആരോഗ്യ മന്ത്രാലയത്തിന്റെ ശുപാര്ശ അനുസരിച്ച് ആവശ്യമെങ്കില് ഗതാഗത നിയന്ത്രണം തുടരുമെന്നും മന്ത്രാലയം അറിയിക്കുകയുണ്ടായി. സൗദിക്ക് പുറമേ വൈറസിന്റെ വകഭേദം കണ്ടെത്തിയ ബ്രിട്ടണില് നിന്നുളള വിമാന സര്വീസുകള്ക്ക് കുവൈത്തും വിലക്ക് ഏര്പ്പെടുത്തിയിരിക്കുകയാണ്.
https://www.facebook.com/Malayalivartha