കൊവിഡ് നിയന്ത്രണങ്ങളില് ഇളവ് നൽകി അബുദാബി ഭരണകൂടം; പൊതുഗതാഗത സംവിധാനങ്ങളില് യാത്ര ചെയ്യുമ്പോള് സാമൂഹിക അകലം പാലിക്കണം, സ്കൂളുകൾ ഉടൻ തുറക്കുന്നതാണ്
കൊറോണ വ്യാപനത്തെ തുടർന്നുള്ള നിയന്ത്രണങ്ങളില് ഇളവ് പ്രഖ്യാപിച്ച് വിനോദ സഞ്ചാര കേന്ദ്രങ്ങളിലും മറ്റും ജനങ്ങള്ക്ക് പ്രവേശനം അനുവദിച്ചുകൊണ്ട് രംഗത്ത് എത്തിയിരിക്കുകയാണ് അബുദാബി ഭരണകൂടം. ജനുവരി മൂന്നിന് സ്കൂളുകളും പൂര്ണ തോതില് തുറന്നുപ്രവര്ത്തിക്കുന്നതായിരിക്കും. എന്നാല് ഇതുകാരണം കൊവിഡ് വ്യാപനം സംഭവിക്കുന്നില്ലെന്ന് ഉറപ്പുവരുത്തുന്നതിനായി ശക്തമായ പെരുമാറ്റച്ചട്ടങ്ങളും അധികൃതര് നിര്ദ്ദേശിക്കുകയാണ്.
അതായത് വിനോദ സഞ്ചാര കേന്ദ്രങ്ങളിലും മറ്റ് പൊതു ഇടങ്ങളിലും പൊതുഗതാഗത സംവിധാനങ്ങളിലും സാമൂഹിക അകലം പാലിക്കല്, മാസ്ക്ക് ധാരണം, അണുവിമുക്തമാക്കല് തുടങ്ങിയ കാര്യങ്ങള് കര്ശനമായി പാലിക്കണമെന്ന് അബുദാബി പോലിസ് വ്യക്തമാക്കി. ഇതിന്റെ ഭാഗമായി പൊതുഗതാഗത സംവിധാനങ്ങളില് യാത്ര ചെയ്യുമ്പോള് സാമൂഹിക അകലം പാലിക്കണമെന്ന് ഇന്റഗ്രേറ്റഡ് ട്രാന്സ്പോര്ട്ട് സെന്റര് നിർദ്ദേശം നൽകി. ഇതിനായി ബസ്സുകളിലെ നിശ്ചിത സീറ്റുകള് ഒഴിച്ചിടാന് അധികൃതര് നിര്ദ്ദേശം നല്കിയിരിക്കുകയാണ്.
https://www.facebook.com/Malayalivartha
