ഡൽഹിയിൽ മുഖ്യ തിര‍ഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജിയാവശ്യപ്പെട്ട് കോക്രോച്ച് ജനതാ പാർട്ടി (സിജെപി) പ്രതിഷേധ സമരത്തിനൊരുങ്ങവേ ലോക്‌സഭാ പ്രതിപക്ഷ നേതാവ് രാഹുൽ ഗാന്ധി ചെന്നൈയിലേയ്ക്ക്. ഇന്നുച്ചയ്ക്ക് 12.30ഓടെ അദ്ദേഹം ചെന്നൈയിലെത്തും. വിദ്യാർത്ഥികളുമായുള്ള സംവാദ പരിപാടിയുടെ മൂന്നാം ഘട്ടത്തിന്റെ ഭാഗമായാണ് യാത്രയുള്ളത്.

ചെന്നൈയിലെത്തുന്ന രാഹുൽ ഗാന്ധി തമിഴ്‌നാട് മുഖ്യമന്ത്രി സി. ജോസഫ് വിജയ്‌യുമായി കൂടിക്കാഴ്‌ച നടത്തുന്നതാണ്. മുഖ്യമന്ത്രി ഒരുക്കുന്ന ഉച്ചഭക്ഷണ വിരുന്നിലും പങ്കെടുക്കുകയും ചെയ്യും. വൈകുന്നേരം അഞ്ചുമണിക്കാണ് സംവാദ പരിപാടി ക്രമീകരിച്ചിരിക്കുന്നത്. വൈകിട്ടു തന്നെ രാഹുൽ ഗാന്ധി ഡൽഹിയിലേയ്ക്ക് മടങ്ങുമെന്നും വിവരമുണ്ട്.

സിജെപി പ്രതിഷേധത്തിനിടയിലും ചെന്നൈയിലെ പരിപാടിയുമായി മുന്നോട്ട് പോകുമെന്ന് കോൺഗ്രസ് നേരത്തെ വ്യക്തമാക്കിയിട്ടുണ്ടായിരുന്നു.