പ്രവാസികൾക്ക് മുന്നറിയിപ്പുമായി സൗദി. രാജ്യത്ത് വിദേശ തൊഴിലാളികളുടെ താമസയിടം രജിസ്റ്റര്‍ ചെയ്യാത്തവര്‍ക്ക് ഇഖാമ പുതുക്കി നല്‍കില്ലെന്ന് ആവര്‍ത്തിച്ച് സൗദി മന്ത്രാലയം രംഗത്ത് എത്തുകയുണ്ടായി. തൊഴിലാളികളുടെ താമസ കേന്ദ്രം ഈജാര്‍ പോര്‍ട്ടല്‍ വഴി രജിസ്റ്റര്‍ ചെയ്യുന്നതിനാണ് മന്ത്രലയം സ്ഥാപനങ്ങള്‍ക്ക് ഇതിനോടകം നിര്‍ദ്ദേശം നല്‍കിയത്. മന്ത്രാലയം നടപടി കടുപ്പിച്ചതോടെ സ്ഥാപനങ്ങള്‍ ജീവനക്കാര്‍ക്ക് ഈജാര്‍ രേഖ ഹാജരാക്കുന്നതിനും നിര്‍ദ്ദേശം നല്‍കിത്തുടങ്ങിയിരിക്കുകയാണ്. സൗദി മാനവ വിഭവശേഷി, സാമൂഹിക വികസന മന്ത്രാലയമാണ് മുന്നറിയിപ്പ് ആവര്‍ത്തിച്ചത്.

രാജ്യത്ത് തങ്ങുന്ന പ്രവാസി തൊഴിലാളികളുടെ താമസ കേന്ദ്രങ്ങള്‍ ഈജാര്‍ പോര്‍ട്ടല്‍ വഴി ബന്ധിപ്പിക്കുന്ന പ്രക്രിയ പൂര്‍ത്തീകരിക്കുന്നതിനാണ് നിര്‍ദ്ദേശം നല്‍കിയത്. സ്വകാര്യ കെട്ടിടങ്ങളില്‍ താമസിക്കുന്നവര്‍ കെട്ടിട ഉടമയുമായുണ്ടാക്കുന്ന കരാറാണ് ഈജാര്‍ പോര്‍ട്ടല്‍ വഴി രജിസ്റ്റര്‍ ചെയ്യേണ്ടത് തന്നെ. ഇത് തൊഴിലാളിയുടെ ഇഖാമയുമായും ബന്ധിപ്പിക്കുന്നതാണ് എന്നും അധികൃതർ വ്യക്തമാക്കി.

അതേസമയം നടപടി പൂര്‍ത്തിയാക്കാത്ത വിദേശികള്‍ക്ക് ഇഖാമ അനുവദിക്കുകയോ പുതുക്കി നല്‍കുകയോ ചെയ്യില്ലെന്നും മന്ത്രാലയം വ്യക്തമാക്കുകയുണ്ടായി. നിയമം ജനുവരി ഒന്നു മുതല്‍ നടപ്പിലാക്കുമെന്ന് മന്ത്രാലയം നേരത്തെ തന്നെ അധികൃതർ അറിയിച്ചിരുന്നു. താമസകേന്ദ്രം ഈജാറുമായി ബന്ധിപ്പിച്ച രേഖകള്‍ ഹാജരാക്കുന്നതിനാണ് ഇത്തരത്തിൽ സര്‍ക്കുലര്‍ പുറപ്പെടുവിക്കുന്നത്. 2018 ലാണ് ഈജാര്‍ രജിസ്‌ട്രേഷന്‍ പദ്ധതി ആദ്യമായി രാജ്യത്ത് ആരംഭിച്ചത് തന്നെ.