സ്വദേശവത്കരണ നയങ്ങൾ കടുപ്പിച്ച് സൗദി. കുവൈറ്റിന് പിന്നാലെ സൗദിയും പ്രവാസികളെ പുറത്താക്കാൻ ഒരുങ്ങുകയാണ്. ഓരോ മേഖലകളിലും ഘട്ടം ഘട്ടമായാണ് സൗദി പരിഷ്കരണം നടത്തിവരുന്നത്. ആദ്യം സർക്കാർ സ്ഥാപനങ്ങളിൽ നിന്നുമാണ് പ്രവാസികളെ പുറത്താക്കിയത്.ഇപ്പോഴിതാ ഓൺലൈൻ വഴിയുള്ള കസ്റ്റമർ സർവീസ് ജോലികൾ സ്വദേശികൾക്ക് മാത്രമായി നിശ്ചയിച്ച് തൊഴിൽ മന്ത്രാലയത്തിന്റെ പുതിയ ഉത്തരവ് പ്രാബല്യത്തിൽ. ഇത്തരം ജോലികളിൽ ഇനി വിദേശികളെ നിയമിക്കാൻ പാടില്ല. ഫോൺ, ഇ-മെയിൽ, സോഷ്യൽ മീഡിയ വഴിയുള്ള സേവനങ്ങളിലെല്ലാം സൗദികൾ മാത്രമേ ഇനി പാടുള്ളൂ എന്നതാണ് വ്യക്തമാക്കുന്നത്.

അതായത് സൗദിയിലെ വിവിധ സ്ഥാപനങ്ങളിൽ ഓൺലൈൻ വഴി ഉപഭോക്താക്കൾക്ക് സേവനം നൽകുന്ന ജോലികളുണ്ട്. ഇതാണ് പൂർണമായും സൗദികൾക്ക് മാത്രമായി നിശ്ചയിച്ചിരിക്കുന്നത്. ഈ പ്രൊഫഷനുകളിൽ ഇനി വിദേശികളെ ഇനിമുതൽ അനുവദിക്കുന്നതല്ല. ഫോൺ, ഇ-മെയിൽ, ചാറ്റ്, സോഷ്യൽ മീഡിയ, ഓൺലൈൻ സംഭാഷണങ്ങൾ, വീഡിയോ കോളിങ് തുടങ്ങി സ്ഥാപനങ്ങളുടെ ഇത്തരം സേവനങ്ങളിലെല്ലാം ഇനി സൗദികളെ മാത്രമേ നിയമിക്കാൻ സാധിക്കുകയുള്ളു.