വിമാന യാത്രാ വിലക്ക്: കേന്ദ്രസർക്കാരിന്റെ അടിയന്തിര ഇടപെടൽ ആവശ്യപ്പെട്ട് പ്രവാസി ലീഗ...

വിമാന യാത്രാ വിലക്ക്: കേന്ദ്രസർക്കാരിന്റെ അടിയന്തിര ഇടപെടൽ ആവശ്യപ്പെട്ട് പ്രവാസി ലീഗൽ സെൽ

09 FEBRUARY 2021 03:37 PM IST

മലയാളി വാര്‍ത്ത

സങ്കടക്കാഴ്ചയായി... മകന്റെ വിവാഹ ചടങ്ങിൽ പങ്കെടുക്കാനായി പോയ തളിപ്പറമ്പ് സ്വദേശി മസ്കറ്റിൽ അന്തരിച്ചു

നാളെ മുതൽ അവധി... പെരുന്നാളിന് റഹീം ഉമ്മയ്ക്കരികിൽ എത്തുമോ ? ഞായറാഴ്ച തീരുമാനമാകും

കരഞ്ഞുകൊണ്ടാണ് ഒപ്പിട്ട് പ്രവാസി കുടുംബം...! കൈകൂപ്പി ഡോക്ടർമാർ, ‘ഓണർ വാക്കിൽ’ കരഞ്ഞ് പ്രവാസികൾ

പ്രവാസികളുടെ അക്കൗണ്ടിൽ കൃത്യം ഒന്നാം തീയതി ശമ്പളം എത്തും..! ജോലിയിൽ നിന്ന് പിരിച്ച് വിടുന്നില്ല..! റഹീം ഇന്ന് ജയിലിൽ നിന്ന് ഇറങ്ങും

കോവിഡ് വ്യാപനം തടയുന്നതിന്റെ ഭാഗമായി സൗദി അറേബ്യയും കുവൈറ്റും ഏർപ്പെടുത്തിയ നിയന്ത്രണങ്ങള തുടർന്നു യു എ ഇ ഉൾപ്പെടെയുള്ള വിദേശരാജ്യങ്ങളിൽ കുടുങ്ങികിടക്കുന്നവരുടെ പ്രശ്നങ്ങളിൽ അടിയന്തിര ഇടപെടൽ ആവശ്യപ്പെട്ട് പ്രവാസി ലീഗൽ സെൽ കേന്ദ്ര സർക്കാരിനു നിവേദനം സമർപ്പിച്ചു. കഴിഞ്ഞ ഏതാനും മാസങ്ങളായി സൗദി അറേബ്യ, കുവൈറ്റ് എന്നിവിടങ്ങളിലേക്കു ഇന്ത്യയിൽ നിന്നും നേരിട്ട് യാത്ര ചെയ്യുന്നതിന് നിയന്ത്രണങ്ങളുള്ളതിനാൽ യു എ ഇ ഉൾപ്പെടെയുള്ള വിദേശരാജ്യങ്ങളിൽ പോയി നിബന്ധനകൾ അനുസരിച്ചുള്ള ക്വാറന്റ്യ്നും ടെസ്റ്റുകളും നടത്തി അവിടെനിന്നും അറേബ്യ, കുവൈറ്റ് എന്നിവിടങ്ങളിലേക്കു യാത്ര ചെയ്യുന്നതായിരുന്നു രീതി. വിസാകാലാവധിയും മറ്റും തീരുന്നതിനു മുൻപ് തന്നെ വിദേശത്തെ തൊഴിൽ സ്ഥലത്തുചെല്ലുവാൻ ചിലവേറെയുണ്ട് എങ്കിലും ഈ രീതിയാണ് പ്രവാസികൾ സ്വീകരിച്ചു വന്നിരുന്നത്. എന്നാൽ സൗദി അറേബ്യയും കുവൈറ്റും ഇപ്പോൾ ഏർപ്പെടുത്തിയ യാത്രാവിലക്കിനെ തുടർന്നു ആയിരക്കണക്കിന് ഇന്ത്യക്കാരാണ് യു എ ഇ, തുർക്കി ഉൾപ്പെടെയുള്ള രാജ്യങ്ങളിൽ കുടുങ്ങി കിടക്കുന്നതു എന്നും, ഇവരെ സൗദ്യ അറേബ്യ, കുവൈറ്റ് എന്നിവിടങ്ങളിലേക്കു പ്രവേശിപ്പിക്കാൻ വേണ്ട നടപടികൾക്കായി കേന്ദ്രസർക്കാർ ഇടപെടണമെന്നും, കുടുങ്ങി കിടക്കുന്നവരുടെ സഹായത്തിനായി, താമസവും ഭക്ഷണവും മറ്റു സഹായങ്ങളും ഉറപ്പാക്കാൻ ഈ രാജ്യത്തെ ഇന്ത്യൻ എംബസികൾക്കു നിർദേശം നൽകണമെന്നും പ്രവാസി ലീഗൽ സെൽ ഗ്ലോബൽ പ്രസിഡന്റ് അഡ്വ. ജോസ് എബ്രഹാം, കുവൈറ്റ് കൺട്രിഹെഡ് ബാബു ഫ്രാൻസിസ് എന്നിവർ വിദേശകാര്യ മന്ത്രി ശ്രീ. ജയശങ്കറിന്‌ നൽകിയ നിവേദനത്തിൽ ആവശ്യമുന്നയിച്ചിട്ടുണ്ട്.