സൗദി അറേബ്യയിലെ വിമാനത്താവളത്തിനു നേരെ അക്രമണം; വിമാനത്താവളത്തില് നിർത്തിയിട്ടിരുന്ന ഒരു യാത്രാവിമാനത്തിന് തീപിടിച്ചു, അപ്രതീക്ഷിത നീക്കത്തിൽ പകച്ച് പ്രവാസലോകം! വിമാനത്താവളത്തിനും പൊതുജനത്തിനും നേർക്കുണ്ടായ ആക്രമണം യുദ്ധക്കുറ്റമായി കണക്കാക്കണമെന്ന് സൗദി
ഒരുഭാഗത്ത് കോറോണയെ തുടർന്ന് കടുത്ത വിളക്കുകൾ നൽകുമ്പോൾ മറുഭാഗത്ത് സൗദിയെ പിടിച്ചുകുലുക്കി ആക്രമണം. സൗദി അറേബ്യയിലെ അഭാ വിമാനത്താവളത്തിനു നേർക്കുണ്ടായ ഹൂതി ആക്രമണത്തിൽ യാത്രാവിമാനത്തിന് തീപിടിക്കുകയുണ്ടായി. വിമാനത്താവളത്തില് നിർത്തിയിട്ടിരുന്ന ഒരു യാത്രാവിമാനത്തിന് തീപിടിച്ചു. വളരെ വേഗം തീയണക്കാൻ കഴിഞ്ഞത് കൊണ്ട് വലിയ അപകടം ഒഴിവായി. ബുധനാഴ്ചയായിരുന്നു സംഭവം. ആളപായമില്ല.
വിമാനത്തിന് ചെറിയ കേടുപാടുണ്ടായി. ആക്രമണത്തിന് പിന്നാലെ ഏറെ ഞെട്ടലിലാണ് സൗദി. വിമാനത്താവളത്തിനും പൊതുജനത്തിനും നേർക്കുണ്ടായ ആക്രമണം യുദ്ധക്കുറ്റമായി കണക്കാക്കണമെന്ന് സൗദി നേതൃത്വത്തിലുള്ള അറബ് സഖ്യം ആവശ്യപ്പെട്ടു. ഹൂതി ആക്രമണങ്ങളിൽനിന്ന് ജനങ്ങൾക്ക് സുരക്ഷയൊരുക്കുന്നതിനാവശ്യമായ നടപടികൾ കൈക്കൊണ്ടിട്ടുണ്ടെന്നും സഖ്യം വ്യക്തമാക്കുകയുണ്ടായി.
അതോടൊപ്പം തന്നെ തെക്കൻ സൗദിയിൽ ഇറാൻ സഖ്യ കക്ഷികളിൽനിന്നുണ്ടായ രണ്ടു ഡ്രോൺ ആക്രമണങ്ങളെ സഖ്യകക്ഷികൾ പരാജയപ്പെടുത്തിയതായി സൗദി ദേശീയ ടിവി റിപ്പോർട്ട് ചെയ്തു. സിവിലിയൻ കേന്ദ്രങ്ങൾ ലക്ഷ്യമിട്ടായിരുന്നു ഡ്രോൺ ആക്രമണങ്ങൾ നടന്നത്. ഹൂതികളിൽനിന്ന് ഇതാദ്യമായല്ല ആക്രമണമുണ്ടാകുന്നതെന്നും അവർക്ക് സമാധാനമല്ല വേണ്ടതെന്നും രാഷ്ട്രീയ നിരീക്ഷകനായ ഹംദാൻ അൽ ഷെഹ്രി വ്യക്തമാക്കുയ്ക്കയും ചെയ്തു.
https://www.facebook.com/Malayalivartha