യമൻ ഹൂത്തി വിമതരുടെ ആ ശ്രമത്തെ തകർത്തെറിഞ്ഞ് സൗദി സഖ്യസേന; ആയുധം നിറച്ച ഡ്രോൺ തടഞ്ഞു
കഴിഞ്ഞദിവസം അബഹ വിമാനത്താവളത്തിലുണ്ടായ ആക്രമണത്തിൽ പ്രവാസി ലോകം ഒന്നാകെ നടുങ്ങി വിറച്ചിരുന്നു. അതിന്റെ ഭയത്തിൽ നിന്നും മുക്തമാക്കുന്നതിന് മുന്നേ അടുത്ത ആക്രമണ ശ്രമം ഉണ്ടായിരിക്കുകയാണ്. എന്നാൽ ആ ശ്രമത്തെ സൗദി പൊളിച്ചടുക്കി. യമൻ ഹൂത്തി വിമതർ തൊടുത്തുവിട്ട ആയുധം നിറച്ച ഡ്രോൺ സൗദിയുടെ നേതൃത്വത്തിലുള്ള സഖ്യസേന തടഞ്ഞു. കഴിഞ്ഞ ദിവസം അബഹ വിമാനത്താവളത്തിനു നേരെയുണ്ടായ ആക്രമണത്തിന് തൊട്ട് പിന്നാലെയാണ് ഇന്ന് വീണ്ടും ആക്രമണം ഉണ്ടായിരിക്കുന്നത്. തെക്കൻ സൗദി അറേബ്യയിലെ ഖമീസ് മുഷൈത് പട്ടണത്തെ ലക്ഷ്യമിട്ടാണ് ഏറ്റവും പുതിയ ഡ്രോൺ ആക്രമണം ഉണ്ടായത്. ഇവിടുത്തെ പ്രധാന വ്യോമതാവളം ലക്ഷ്യമിട്ടായിരുന്നു ആക്രമണമെങ്കിലും ലക്ഷ്യത്തിലെത്തുന്നതിന് മുമ്പ് ഡ്രോൺ നശിപ്പിക്കപ്പെട്ടുവെന്ന് സഖ്യസേന വക്താവ് തുർക്കി അൽ മാലികി പറഞ്ഞു.
രാജ്യത്തിന്റെ തെക്കുപടിഞ്ഞാറുള്ള അബഹ അന്താരാഷ്ട്ര വിമാനത്താവളത്തിനു നേരെ ബുധനാഴ്ച ഉണ്ടായതുപോലെ നേരത്തെയും നിരവധി തവണ ഡ്രോണുകൾ ആക്രമണം നടത്തിയിരുന്നു. ഹൂത്തി വിമതർ ആക്രമണം അവസാനിപ്പിക്കണമെന്ന് വാഷിംഗ്ടൺ ആവശ്യപ്പെട്ടിട്ടുണ്ട്. കഴിഞ്ഞ ദിവസം വിമാനത്താവളത്തിനു നേരെയുണ്ടായ ആക്രമണത്തിൽ ഒരു യാത്രാ വിമാനത്തിന് തീപിടിച്ചതായി സഖ്യസേന അറിയിച്ചിരുന്നു.
https://www.facebook.com/Malayalivartha