കുവൈത്തില് ചെറിയ ആശ്വാസം; കോവിഡ് കേസുകള് അല്പം കുറഞ്ഞു, 1000ത്തിന് മുകളില് വന്നതില് നിന്ന് അല്പം കുറഞ്ഞ് ശനിയാഴ്ച റിപ്പോര്ട്ട് ചെയ്തത് 851 പുതിയ കേസുകൾ, ഇതുവരെ വൈറസ് ബാധിച്ചത് 1,76,903 പേര്ക്ക്
കുവൈത്തില് നിന്ന് ആശ്വാസവാർത്ത. കോവിഡ് കേസുകള് അല്പം കുറഞ്ഞതായി റിപ്പോർട്ട്. കഴിഞ്ഞ ദിവസങ്ങളില് 1000ത്തിന് മുകളിലാണ് റിപ്പോർട്ട് ചെയ്തിരുന്നത്.എന്നാൽ അല്പം കുറഞ്ഞ് 851 പുതിയ കേസുകളാണ് ശനിയാഴ്ച റിപ്പോര്ട്ട് ചെയ്തത്. ഇതുവരെ ആകെ 1,76,903 പേര്ക്കാണ് വൈറസ് ബാധിച്ചത്. കഴിഞ്ഞ ദിവസം ആറു മരണം റിപ്പോര്ട്ട് ചെയ്തു. ഇതോടെ ആകെ മരണം 998 ആയി ഉയർന്നു.
717 പേര് കൂടി രോഗമുക്തി നേടി. ഇതുവരെ കുവൈത്തില് കോവിഡ് മുക്തരായത് 1,65,254 പേർ. ബാക്കി 10,651 പേര് ചികിത്സയിൽ കഴിയുകയാണ്. 129 പേര് തീവ്രപരിചരണ വിഭാഗത്തില് കഴിയുന്നു. തീവ്രപരിചരണ വിഭാഗത്തില് ഏഴുപേര് വര്ധിച്ചു. അതേസമയം 9119 പേര്ക്കാണ് വൈറസ് പരിശോധന നടത്തിയത്. ആകെ 16,60,406 പേര്ക്ക് വൈറസ് പരിശോധന നടത്തിയാതായി റിപ്പോർട്ട്.
എന്നാൽ ഒന്നര മാസം മുമ്പ് 3000ത്തിന് അടുത്ത് ആളുകളാണ് ചികിത്സയിലുണ്ടായിലുണ്ടായിരുന്നത്.ഇപ്പോൾ അത് 10,651ലെത്തി. പുതിയ കേസുകള് കഴിഞ്ഞ ആഴ്ചകളില് ഗണ്യമായി വര്ധിച്ചതോടെ ചികിത്സയിലുള്ളവരുടെ എണ്ണം കൂടുകയുണ്ടായി. മരണവും തീവ്രപരിചരണ വിഭാഗത്തിലുള്ളവരുടെ എണ്ണവും വര്ധിച്ചുവരുന്നത് ആശങ്ക സൃഷ്ടിക്കുന്നതായി അധികൃതർ.
https://www.facebook.com/Malayalivartha