സൗദി അറേബ്യയില്‍ ആശ്വാസകരമായ രീതിയില്‍ പ്രതിദിന രോഗികളുടെ എണ്ണം കുറയുന്നതായി റിപ്പോർട്ട്. ഞായറാഴ്​ച ആരോഗ്യമന്ത്രാലയം പുറത്തുവിട്ട കണക്ക്​ പ്രകാരം 322 പേര്‍ക്കാണ്​ പുതുതായി കോവിഡ്​​ സ്ഥിരീകരിച്ചത്​. 282 പേര്‍ രോഗമുക്തി നേടി​. എന്നാല്‍ രാജ്യതലസ്ഥാനമായ റിയാദില്‍ രോഗവ്യാപനത്തിന്​ കുറവില്ല എന്നാണ് ലഭ്യമാകുന്ന വിവരം. സൗദി അറേബ്യയില്‍ കോവിഡ് ബാധിച്ച് കഴിഞ്ഞ ദിവസം നാലു പേര്‍ മരിച്ചു. ഇതോടെ ആകെ മരിച്ചവരുടെ എണ്ണം 6433 ആയി ഉയർന്നു.

അതേസമയം പുതിയ രോഗികളില്‍ പകുതിയിലേറെയും അവിടെയാണ്​. ഇതുവരെ രോഗം സ്ഥിരീകരിച്ചവരുടെ ആകെ എണ്ണം 372732 ആയിരിക്കുകയാണ്. ഇതില്‍ 363585 പേര്‍ സുഖം പ്രാപിക്കുകയും ചെയ്തു. 2714 പേര്‍ രാജ്യത്തെ വിവിധ ആശുപത്രികളിലും മറ്റുമായി ചികിത്സയില്‍ കഴിയുകയാണ്. അതില്‍ 459 പേരുടെ നില ഗുരുതരമാണ്​. ബാക്കിയുള്ളവരുടെ ആരോഗ്യനില തൃപ്​തികരമാണ്​. രാജ്യത്തെ ​കോവിഡ്​ മുക്തി നിരക്ക് 97.6 ശതമാനം ആയി. മരണനിരക്ക്​ 1.7 ശതമാനമാണ്​.

കഴിഞ്ഞ 24 മണിക്കൂറിനിടെ വിവിധ മേഖലകളില്‍ റിപ്പോര്‍ട്ട്​ ചെയ്​ത പുതിയ കൊവിഡ്​ കേസുകള്‍ ഇപ്രകാരമാണ്: റിയാദ്​ 167, കിഴക്കന്‍ പ്രവിശ്യ 64, മക്ക 40, അല്‍ഖസീം 9, മദീന 7, അസീര്‍ 7, ഹാഇല്‍ 5, അല്‍ജൗഫ്​ 5, ജീസാന്‍ 5, വടക്കന്‍ അതിര്‍ത്തി മേഖല 4, നജ്​റാന്‍ 4, തബൂക്ക്​ 3, അല്‍ബാഹ 2.