വ്യാജ കോവിഡ് പരിശോധന സര്ട്ടിഫിക്കറ്റ് നല്കിയ മലയാളി ലാബ് ടെക്നീഷ്യന് കുവൈറ്റില് അറസ്റ്റിലായി; രഹസ്യാന്വേഷണത്തെ തുടര്ന്നാണ് ടെക്നീഷ്യനെ പോലീസ് അറസ്റ്റ് ചെയ്തത്, കൊവിഡ് വ്യാപനം ശക്തമായ സാഹചര്യത്തില് നടപടികള് കടുപ്പിച്ച് കുവൈറ്റ്
കൊവിഡ് വ്യാപനം ശക്തമായ സാഹചര്യത്തില് നടപടികള് കടുപ്പിച്ച് കുവൈറ്റ് രംഗത്തെത്തിയിരിക്കുകയാണ്. ഈ പശ്ചാത്തലത്തിൽ വ്യാജ വാർത്തകൾ പോലെ തന്നെ വ്യാജന്മാരും പെരുകുന്നു. വ്യാജ കോവിഡ് പരിശോധന സര്ട്ടിഫിക്കറ്റ് നല്കിയ മലയാളി ലാബ് ടെക്നീഷ്യന് കുവൈറ്റില് അറസ്റ്റിലായതിന് പിന്നാലെ ഞെട്ടലിലാണ് പ്രവാസികൾ. രഹസ്യാന്വേഷണത്തെ തുടര്ന്നാണ് ടെക്നീഷ്യനെ പോലീസ് അറസ്റ്റ് ചെയ്തത്. കോവിഡ് മുക്തമെന്ന വ്യാജ പിസിആര് സര്ട്ടിഫിക്കറ്റ് ഇയാള് മറ്റുള്ളവര്ക്ക് തയ്യാറാക്കി നല്കി എന്ന് തെളിഞ്ഞതോടെയാണ് അറസ്റ്റ് രേഖപ്പെടുത്തിയത്.
ഫര്വാനിയയിലെ സ്വകാര്യ ക്ലിനിക്കില് ജോലി ചെയ്യുന്ന കാഞ്ഞങ്ങാട് സ്വദേശിയാണ് പിടിയിലായത് എന്നാണ് ലഭ്യമാകുന്ന വിവരം. വിവിധ രാജ്യക്കാരായ 60 പേര്ക്ക് ഇയാള് വ്യാജ സര്ട്ടിഫിക്കറ്റ് നല്കിയതായി അന്വേഷണത്തിൽ കണ്ടെത്തിയിട്ടുണ്ട്. ആവശ്യക്കാര് സിവില് ഐഡി നമ്പര് മാത്രം നല്കിയാല് മതിയാകും. സെര്ട്ടിഫിക്കറ്റിനായി സ്വന്തം സ്രവം ശേഖരിച്ച് പരിശോധനാവിധേയമാക്കി ആവശ്യക്കാര്ക്ക് കോവിഡ് നെഗറ്റീവ് സര്ട്ടിഫിക്കറ്റ് നല്കുകയും ചെയ്തിരുന്നു.
https://www.facebook.com/Malayalivartha
