സൗദി അറേബ്യയിലെ അബഹ വിമാനത്താവളം ലക്ഷ്യമിട്ട് വീണ്ടും വ്യോമാക്രമണ ശ്രമം; യമനില് നിന്നെത്തിയ ഡ്രോണുകൾ സൗദിസഖ്യസേന തകർത്തു, അബഹ വിമാനത്താവളത്തിന്റെ പരിസരങ്ങളില് ഡ്രോണിന്റെ അവശിഷ്ടങ്ങള് പതിച്ചു
സൗദി അറേബ്യയിലെ അബഹ വിമാനത്താവളം ലക്ഷ്യമിട്ട് വീണ്ടും ഹൂതികളുടെ വ്യോമാക്രമണ ശ്രമം നടന്നതായി റിപ്പോർട്ട്. യമനില് നിന്നെത്തിയ ഡ്രോണുകൾ ഖമീസ് മുശൈത്തിൽ വെച്ച് സൗദിസഖ്യസേന തകർത്തതിനാൽ വലിയ അപകടം സംഭവിച്ചില്ല. തുടരെ തുടരെ സൗദിയെ ലക്ഷ്യംവച്ച് എത്തുന്ന ഡ്രോണുകൾ ഏറെ ആശങ്കയാകുന്നു. എന്നാൽ ആക്രമണത്തില് ആളപായമോ പരിക്കുകളോ മറ്റ് നാശനഷ്ടങ്ങളോ ഒന്നും തന്നെ ഉണ്ടായിട്ടില്ല.
ഇന്നലെ പുലർച്ചെയാണ് സ്ഫോടക വസ്തുക്കള് നിറച്ച ആളില്ലാത്ത വിമാനം ഉപയോഗിച്ച് ആക്രമണം നടത്തിയത്. എന്നാല്, ലക്ഷ്യസ്ഥാനത്ത് എത്തുന്നതിന് മുമ്പേ അറബ് സഖ്യസേന ഡ്രോണ് പ്രതിരോധിച്ചത് വലിയ ആശ്വാസമാകുകയായിരുന്നു. ആകാശത്ത് വെച്ച് തന്നെ ഇവ തകർക്കുകയാണ് ചെയ്തത്. അബഹ വിമാനത്താവളത്തിന്റെ പരിസരങ്ങളില് ഡ്രോണിന്റെ അവശിഷ്ടങ്ങള് പതിക്കുകയുണ്ടായി. ആർക്കും പരിക്കില്ല എന്നാണ് ലഭ്യമാകുന്ന വിവരം. ഇത് വിമാന സർവീസുകളേയും ബാധിച്ചിട്ടില്ല.
https://www.facebook.com/Malayalivartha