കോവിഡ് നിയന്ത്രണങ്ങളിൽ ഇളവു വരുത്തിയിരുന്ന കുവൈത്ത് 21 മുതൽ വിദേശികളെ പ്രവേശിപ്പിക്കാൻ തീരുമാനമെടുത്തിരിക്കുകയാണ് . പക്ഷേ ഇന്ത്യയുൾപ്പെടെ യാത്രാനിരോധനമുള്ള 35 രാജ്യങ്ങളിൽനിന്ന് നേരിട്ടുള്ള വിമാന സർവീസ് ഉണ്ടായിരിക്കില്ല . എന്നാൽ മറ്റൊരു രാജ്യത്ത് 14 ദിവസം തങ്ങിയതിനു ശേഷം കുവൈത്തിൽ പ്രവേശിക്കാവുന്നതാണ് . ഇങ്ങനെ കുവൈത്തിലേക്കു പുറപ്പെട്ട ഒട്ടേറെ മലയാളികളാണ് ഇപ്പോൾ ദുബായി‍ൽ കുടുങ്ങിയിട്ടുള്ളത്. 21 മുതൽ ഇവർക്കു യാത്ര ഒരുങ്ങുകയാണ് . കുവൈത്തിലേക്കുള്ള വിമാനത്തിൽ 35 യാത്രക്കാർ മാത്രമായിരിക്കണമെന്ന് നിബന്ധനയുണ്ട്.

പ്രതിദിനം 100 പേർക്ക് മാത്രമാണു പ്രവേശനം. എന്നാൽ, അവിടെ നിന്നു പുറത്തേക്കുള്ള വിമാനങ്ങളിൽ യാത്രക്കാരുടെ എണ്ണത്തിൽ നിയന്ത്രണം ഇല്ല. കുവൈത്തിൽ എത്തുന്നവർക്ക് 7 ദിവസം സ്വന്തം ചെലവി‍ൽ ഹോട്ടൽ ക്വാറൻ‌റീനും 7 ദിവസം ഹോം ക്വാറൻ‌റീനും നിർബന്ധമാണ്.വിമാനത്താവളത്തിലും ഏഴാം ദിവസവും ആർടി പിസിആർ പരിശോധന നടത്തും. Kuwait Mosafer ആപ്പിലൂടെ ഹോട്ടൽ ബുക്കിങ് ഉറപ്പാക്കിയ ശേഷം മാത്രമേ യാത്രക്കാരെ പ്രവേശിപ്പിക്കൂ. പുതിയ നിബന്ധനകൾ പ്രവാസികളുടെ യാത്രച്ചെലവ് ഇരട്ടിയാക്കും.