പ്രവാസലോകം ഒന്നടങ്കം ഉറ്റുനോക്കുന്ന നിമിഷം; ഇന്ത്യയും സൗദിയുമായി കൂടുതല് മേഖലയിലേക്ക് സഖ്യം ശക്തിപ്പെടുത്തുന്നു, ഇരു രാജ്യങ്ങളും സംയുക്ത സൈനികാഭ്യാസത്തിന് ഒരുങ്ങുകയാണ്, ഇന്ത്യൻ പട്ടാളം സൗദിയുടെ മണ്ണിൽ എത്തുമ്പോൾ സംഭവിക്കാനിരിക്കുന്നത്....
ഇതാ സുഹൃത് ബന്ധം കൂടുതല് അരക്കെട്ടുറപ്പിച്ച് സൗദിയും ഇന്ത്യയും രംഗത്ത് എത്തിയിരിക്കുകയാണ്. ഇതിലൂടെ പ്രതിരോധ മേഖലയുമായി ബന്ധമുണ്ടാക്കാനും ഇന്ത്യ ശ്രമം തുടങ്ങിയിരിക്കുന്നു. നിലവില് 11069 കോടി രൂപയുടെ നിക്ഷേപമാണ് ഇന്ത്യന് കമ്പനികള്ക്ക് സൗദിയിലുള്ളത്. മറ്റ് മേഖലയില് നിക്ഷേപങ്ങളുണ്ടായിരുന്നെങ്കിലും ഇതുവരെ സൈനിക മേഖലയിലും പ്രതിരോധ മേഖലയിലും സഖ്യമുണ്ടായിരുന്നില്ല എന്നതാണ് ഇവിടെ പ്രസക്തി ഏറുന്നത്.
അതോടൊപ്പം തന്നെ ഇന്ത്യയും സൗദിയുമായി കൂടുതല് മേഖലയിലേക്ക് സഖ്യം ശക്തിപ്പെടുത്തുകയാണ് ഇരുരാജ്യങ്ങളുടെയും ലക്ഷ്യം എന്നത്. ഇരു രാജ്യങ്ങളും സംയുക്ത സൈനികാഭ്യാസത്തിന് ഒരുങ്ങുന്നതായുള്ള വാർത്തകൾ കഴിഞ്ഞ ദിവസം പുറത്ത് വന്നിരുന്നു. അടുത്ത വര്ഷം സൈനികാഭ്യാസം റിയാദില് നടക്കുമെന്നാണ് ലഭ്യമാകുന്ന വിവരം. ഇന്ത്യയുടെ സൈന്യം സൗദിയിലെത്തുന്നതാണ്. കഴിഞ്ഞവര്ഷം അവസാനം കരസേനാ മേധാവി മേജര് ജനറല് എം.എം നരവനെ സൗദി സന്ദര്ശിച്ചിരുന്നു. എന്നാൽ ഇരു രാജ്യങ്ങളുടെയും പ്രതിരോധ മേഖലയിലെ ബന്ധം ദൃഢപ്പെടുന്നത് ലോക രാജ്യങ്ങള് ഏറെ ജാഗ്രതയോടെയാണ് നോക്കിക്കാണുന്നത്.
അതേസമയം അമേരിക്കയിലെ ബൈഡന്റെ ഭരണകൂടം സൗദി കിരീടാവകാശിയുമായി നല്ല ബന്ധത്തിലല്ല. മാത്രമല്ല സൗദി പാകിസ്ഥാന് നല്കിക്കൊണ്ടിരുന്ന എല്ലാ ആനുകൂല്യങ്ങളും എടുത്തുകളഞ്ഞതോടെ പുതിയ സഖ്യത്തെ രാഷ്ട്രീയ പ്രാധാന്യത്തോടെയാണ് ചൈനയും വീക്ഷിച്ചുവരുന്നത്.
ഇതിലൂടെ കൂടുതല് മേഖലയില് നിക്ഷേപം വര്ധിപ്പിക്കാനും ഇരു രാജ്യങ്ങളും പദ്ധതിയിടുകയാണ്. സൗദി അറേബ്യയില് ഇന്ത്യയിലെ 476 കമ്പനികള് പ്രവര്ത്തിച്ച് വരുന്നുണ്ട്. സൗദി അറേബ്യന് ജനറല് ഇന്വെസ്റ്റ്മെന്റ് അഥോറിറ്റിയാണ് 476 കമ്പനികള്ക്ക് സൗദി സര്ക്കാരുമായി ചേര്ന്നോ അല്ലാതെയോ പ്രവര്ത്തിക്കാന് അനുമതി നല്കിയിട്ടുള്ളത്. 34 ബില്യന് ഡോളറിന്റെ ഇടപാടാണ് രാജ്യങ്ങള് തമ്മില് കഴിഞ്ഞ വര്ഷമുണ്ടായത്. ഇപ്പോള് റിലയന്സിലടക്കം സ്വകാര്യസ്ഥാപനങ്ങളിലേക്ക് സൗദി ഗവണ്മെന്റിന്റെ നേരിട്ടുള്ള നിക്ഷേപവും ഉണ്ടെന്നത് പ്രധാന വിഷയമാണ്. ഓയില് ഇറക്കുമതി അടക്കം 2.5 ലക്ഷം കോടി രൂപയുടെ വ്യാപാരമാണ് കഴിഞ്ഞ വര്ഷം ഇന്ത്യയും സൗദിയുമായിട്ടുണ്ടായിരുന്നത്. ഇതില് 1.98 ലക്ഷം കോടി രൂപ, ഇന്ത്യ ഓയില് ഇറക്കുമതി ചെയ്തതാണ്.
https://www.facebook.com/Malayalivartha