ബോയിങ് 737 മാക്സ് വിമാനങ്ങൾക്ക് ഏർപ്പെടുത്തിയ താൽക്കാലിക നിരോധനം ജനറൽ സിവിൽ ഏവിയേഷൻ അതോറിറ്റി ( ജിസിസിഎ ) പിൻവലിക്കുകയുണ്ടായി. ഇതേ തുടർന്ന് ഫ്‌ളൈദുബായ് സർവീസ് പുനരാരംഭിക്കാൻ തയ്യാറെടുക്കുന്നതായുള്ള വാർത്തകളാണ് പുറത്ത് വരുന്നത്. സുരക്ഷാ ഭീതിയെത്തുടർന്നാണ് പറക്കാൻ അനുമതി നിഷേധിക്കപ്പെട്ടത്. അങ്ങനെ ബോയിങ് 737 മാക്സ് വിമാനങ്ങൾ 20 മാസം നീണ്ടുനിന്ന പരിശോധനകൾക്ക് ശേഷമാണ് വീണ്ടും സർവീസിനെത്തുകയാണ്.

നിർമാതാക്കൾ, ജി സി സി എ, എയർലൈനുകൾ, പൈലറ്റുമാർ, ഗവേഷകർ, മെക്കാനിക്കുകൾ തുടങ്ങി ബന്ധപ്പെട്ട എല്ലാ വിഭാഗങ്ങളും ചേർന്ന് നടത്തിയ അവലോകനത്തിൽ സോഫ്റ്റ്‌വെയറിലടക്കം വിമാനത്തിൽ വരുത്തേണ്ട ചില മാറ്റങ്ങൾ ചൂണ്ടിക്കാണിക്കുകയുണ്ടായി. പൈലറ്റുമാർക്ക് കൂടുതൽ പരിശീലനം നൽകേണ്ടതിന്റെ ആവശ്യകതയും ഇതോടൊപ്പം വ്യക്തമാക്കി. ഈ നിർദേശങ്ങൾ നടപ്പാക്കിയതിനു ശേഷമാവും സർവീസാരംഭിക്കുകയെന്ന് ഫ്‌ളൈദുബായ് ചീഫ് എക്സിക്യുട്ടീവ് ഓഫീസർ ഘെയ്ത് അൽ ഘെയ്ത് പറഞ്ഞു.