പുതിയ നിർദ്ദേശം നൽകി സൗദി അറേബ്യ; കൊവിഡ് രോഗം ബാധിച്ച വ്യക്തികള് കൊവിഡ് പ്രതിരോധ വാക്സിന്റെ ഒരു ഡോസ് മാത്രം എടുത്താല് മതിയെന്ന് സൗദി ആരോഗ്യമന്ത്രാലയം
കൊറോണ വ്യാപനത്തെ തുടർന്ന് കടുത്ത നിയന്ത്രണങ്ങൾ ഏർപ്പെടുത്തിയതിന് പിന്നാലെ കർശന നിർദ്ദേശങ്ങളാണ് നൽകിവരുന്നത്. നേരത്തേ കൊവിഡ് രോഗം ബാധിച്ച വ്യക്തികള് കൊവിഡ് പ്രതിരോധ വാക്സിന്റെ ഒരു ഡോസ് മാത്രം എടുത്താല് മതിയെന്ന് സൗദി ആരോഗ്യമന്ത്രാലയം വ്യക്തമാക്കുകയുണ്ടായി. സൗദിയിലെ പകര്ച്ച വ്യാധികളുമായി ബന്ധപ്പെട്ട നാഷനല് സയന്റിഫിക് കമ്മിറ്റിയുടെ അംഗീകാരത്തോടെയാണ് ആരോഗ്യമന്ത്രാലയം പുതിയ നിര്ദ്ദേശവുമായി രംഗത്തെത്തിയിരിക്കുന്നത്.
കൊവിഡ് വൈറസ് ബാധയില് നിന്ന് രോഗമുക്തി നേടിയ ശേഷം ആറ് മാസം കഴിഞ്ഞവര്ക്ക് ഒരു ഡോസ് വാക്സിന് മാത്രമേ നല്കൂ എന്ന് ആരോഗ്യമന്ത്രാലയം വൃത്തങ്ങളെ ഉദ്ധരിച്ച് അല് അറബിയ്യ ചാനല് റിപ്പോര്ട്ട് ചെയ്യുകയുണ്ടായി. അവരുടെ ശരീരം സ്വയം ആര്ജ്ജിച്ച പ്രതിരോധ ശേഷി വര്ധിപ്പിക്കുന്നതിനാണ് ഒരു ഡോസ് വാക്സിന് നല്കുന്നതെന്നും മന്ത്രാലയം ചൂണ്ടിക്കാട്ടി. കൊവിഡ് ബാധിതരുടെ ശരീരത്തില് സ്വാഭാവികമായും ഉല്പ്പാദിപ്പിക്കപ്പെടുന്ന ആന്റിബോഡി വീണ്ടും കൊവിഡ് ബാധിക്കുന്നതിനെ പ്രതിരോധിക്കുന്നതാണ്.
എന്നാൽ ഇത്തരത്തിൽ ഉല്പ്പാദിപ്പിക്കപ്പെടുന്ന ആന്റിബോഡി എത്രകാലം ശരീരത്തില് നിലനില്ക്കുമെന്ന കാര്യത്തില് കൃത്യമായ തീരുമാനം ആയിട്ടില്ല. ഇതുമായി ബന്ധപ്പെട്ട പഠനങ്ങള് നടന്നുവരുന്നതേയുള്ളൂ എന്നും ആരോഗ്യമന്ത്രാലയം വ്യക്തമാക്കിയിരിക്കുകയാണ്. മാത്രമല്ല, കൊവിഡ് ബാധിച്ച് അധികനാള് കഴിയുന്നതിനു മുമ്പ് തന്നെ വീണ്ടും വൈറസ് ബാധയുണ്ടായ അപൂര് സംഭവങ്ങളും റിപ്പോര്ട്ട് ചെയ്യപ്പെട്ടിട്ടുണ്ട്.
https://www.facebook.com/Malayalivartha