യുഎഇയില്‍ കഴിഞ്ഞ 24 മണിക്കൂറിനിടെ 17 പേര്‍ കൂടി കൊവിഡ് ബാധിച്ച് മരണപ്പെടുകയുണ്ടായി. 2250 പേര്‍ക്കാണ് രോഗം സ്ഥിരീകരിച്ചതെന്ന് ആരോഗ്യ - പ്രതിരോധ മന്ത്രാലയം അറിയിച്ചു. അതേസമയം ചികിത്സയിലായിരുന്ന 3684 പേര്‍ രോഗമുക്തരാവുകയും ചെയ്‍തു.

കഴിഞ്ഞ 24 മണിക്കൂറിനിടെ യുഎഇയിൽ നടത്തിയ 1,97,701 കൊവിഡ് പരിശോധനകളില്‍ നിന്നാണ് പുതിയ കൊവിഡ് രോഗികളെ കണ്ടെത്തിയത്. 2.91 കോടി കൊവിഡ് പരിശോധനകള്‍ ഇതുവരെ യുഎഇയില്‍ നടത്തിയതായി അധികൃതർ വ്യക്തമാക്കി. ഔദ്യോഗിക കണക്കുകള്‍ പ്രകാരം രാജ്യത്ത് ഇന്നുവരെ റിപ്പോര്‍ട്ട് ചെയ്യപ്പെട്ട കൊവിഡ് രോഗികളുടെ എണ്ണം 3,70,425 ആണ് എന്നതാണ്. ഇവരില്‍ 3,59,697 പേരാണ് ഇതിനോടകം സുഖം പ്രാപിച്ചിരിക്കുന്നത്.

ആകെ 1,125 മരണങ്ങള്‍ രാജ്യത്ത് റിപ്പോര്‍ട്ട് ചെയ്യപ്പെട്ടു. രാജ്യത്തെ കൊവിഡ് രോഗികളുടെ എണ്ണം ഇപ്പോള്‍ 9,603 ആണ്. പരാമവധി രോഗികളെ നേരത്തെ തന്നെ കണ്ടെത്തി ചികിത്സ നല്‍കാന്‍ ലക്ഷ്യമിട്ട് പരിശോധനകളുടെ എണ്ണം വര്‍ദ്ധിപ്പിക്കുകയാണ്.