വിസ പുതുക്കാനാകാതെ ജോലി നഷ്ടപ്പെടുമെന്ന ഭീതിയിൽ പ്രവാസികൾ; കുവൈറ്റ് അതിര്‍ത്തികള്‍ അടച്ചതോടെ ദുരിതത്തിലായതിന് പിന്നാലെ പ്രവേശനവിലക്ക് വീണ്ടും നീട്ടി, ആരോഗ്യ മന്ത്രാലയത്തിന്റെ നിര്‍ദേശത്തെ തുടര്‍ന്ന് ഇനിയൊരു അറിയിപ്പ് ഉണ്ടാകുന്നത് വരെ പ്രവേശന വിലക്ക് നീട്ടാന്‍ തീരുമാനിച്ചതായി വ്യോമയാന വകുപ്പ്
കുവൈറ്റിലേക്കുള്ള പ്രവേശനത്തിനായി ഏറെ നാളായി കാത്തിരിക്കുകയായിരുന്നു പ്രവാസികൾ. എന്നാൽ വിലക്ക് നീക്കം ചെയ്‌തെങ്കിലും അധികം വൈകാതെ തന്നെ ആ തീരുമാനം പിന്‍വലിക്കുകയായിരുന്നു. കുവൈറ്റിലേക്ക് ഇന്ത്യ ഉള്‍പ്പെടെയുള്ള 35 രാജ്യങ്ങളില്‍ നിന്നുള്ള യാത്രക്കാര്‍ക്കുള്ള വിലക്ക് പിന്‍വലിച്ചു എന്ന വാർത്ത പ്രവാസികൾക്ക് ഏറെ സന്തോഷം നൽകിയിരുന്നു. എന്നാൽ നിമിഷങ്ങൾക്കകം തന്നെ ആ വാർത്ത പിൻവലിക്കുകയായിരുന്നു ചെയ്തത്. ആരോഗ്യ മന്ത്രാലയത്തിന്റെ നിര്‍ദേശത്തെ തുടര്‍ന്ന് ഇനിയൊരു അറിയിപ്പ് ഉണ്ടാകുന്നത് വരെ പ്രവേശന വിലക്ക് നീട്ടാന്‍ തീരുമാനിച്ചതായി വ്യോമയാന വകുപ്പ് ട്വിറ്ററിലൂടെ അറിയിക്കുകയുണ്ടായി. ഈ തീരുമാനം മാറ്റിയതില്‍ പ്രവാസികളെല്ലാം ആശന്കയിലാണ്.
ഇതുവഴി കുവൈറ്റിലേക്ക് തിരികെ പോകാമെന്ന് കരുതിയവരുടെയെല്ലാം പ്രതീക്ഷ അസ്തമിച്ചിരിക്കുകയാണ്. വിസ പുതുക്കലും ജോലിയുമായി ബന്ധപ്പെട്ട് അടിയന്തരമായി കുവൈറ്റിലേക്ക് എത്തേണ്ടതുള്ളവര്‍ക്ക് രാജ്യത്തേക്കുള്ള പ്രവേശനവിലക്ക് നീട്ടിയത് കടുത്ത പ്രതിസന്ധിയാണ് ഉരുവായിരിക്കുന്നത്. കുവൈറ്റ് അതിര്‍ത്തികള്‍ അടച്ചതോടെ ദുരിതത്തിലായ പ്രവാസികള്‍ക്ക് പ്രവേശനവിലക്ക് വീണ്ടും നീട്ടിയതിലൂടെ ഇരട്ട പ്രഹരമാണ് കിട്ടിയിരിക്കുന്നത്.
മാത്രമല്ല, തുര്‍ക്കിയിലും യുഎഇയിലും ഇടത്താവളമായി എത്തിയവര്‍ കുവൈറ്റിലേക്ക് വരാന്‍ കഴിയാതെ താമസത്തിനും ഭക്ഷണത്തിനും ഏറെ ബുദ്ധിമുട്ടുകയാണ്. സന്നദ്ധ സംഘടനകളുടെ സഹായത്താലാണ് പലരും അധിക ദിവസങ്ങള്‍ കഴിച്ചുകൂറ്റുന്നത്. ചിലര്‍ നാട്ടിലേയ്ക്ക് തിരികെ പോയി. കുവൈറ്റിലേക്ക് തിരികെ പോകാമെന്ന പ്രതിക്ഷയില്‍ തങ്ങിയവരെല്ലാം വീണ്ടും ബുദ്ധിമുട്ടുകള്‍ അനുഭവിക്കുകയാണ്.ഇനി ഒരറിയിപ്പ് ഉണ്ടാകുന്നതുവരെ പ്രവാസികൾക്ക് കുവൈറ്റിലേക്ക് കടക്കാനാകില്ല.
https://www.facebook.com/Malayalivartha
