കു​വൈ​ത്തി​ല്‍ കഴിഞ്ഞ 24 മണിക്കൂറിനിടെ 1022 പു​തി​യ കോ​വി​ഡ്​ കേ​സു​ക​ള്‍ കൂടി റി​പ്പോ​ര്‍​ട്ട്​ ചെ​യ്യുകയുണ്ടായി. ഇ​തു​വ​രെ 1,89,046 പേ​ര്‍​ക്കാ​ണ്​ രോഗം ​സ്ഥിരീകരിച്ചത്. 24 മണിക്കൂറിനിടെ രാജ്യത്ത് അ​ഞ്ച്​​ മ​ര​ണം റി​പ്പോ​ര്‍​ട്ട്​ ചെ​യ്​​തു. ഇ​തോ​ടെ ആ​കെ മ​ര​ണം 1072 ആ​യി. 1114 പേ​ര്‍ കൂ​ടി രോ​ഗ​മു​ക്​​തി നേ​ടിയതായി കുവൈറ്റ് ആരോഗ്യമന്ത്രാലയം അറിയിച്ചു. കു​വൈ​ത്തി​ല്‍ ഇ​തു​വ​രെ 1,77,133 പേ​രാ​ണ് കോ​വി​ഡ്​ മു​ക്​​ത​രാ​യ​ത്​. ബാ​ക്കി 10,841 പേ​ര്‍ ചി​കി​ത്സ​യിൽ കഴിയുകയാണ്.

ആ​യി​ര​ത്തി​ന്​ മു​ക​ളി​ല്‍ കേ​സു​ക​ള്‍ റി​പ്പോ​ര്‍​ട്ട്​ ചെ​യ്​​തെ​ങ്കി​ലും അ​തി​നേ​ക്കാ​ള്‍ കൂ​ടു​ത​ല്‍ രോ​ഗ​മു​ക്​​ത​രു​ണ്ടാ​യ​ത്​ ആ​​ശ്വാ​സ​കരമായ വാർത്ത തന്നെയാകുന്നു. 155 പേ​ര്‍ തീ​വ്ര​പ​രി​ച​ര​ണ വി​ഭാ​ഗ​ത്തി​ല്‍ ക​ഴി​യു​കയാണ്. തീ​വ്ര​പ​രി​ച​ര​ണ വി​ഭാ​ഗ​ത്തി​ല്‍ മൂ​ന്നു​പേ​ര്‍ കൂടി. 7836 പേ​ര്‍​ക്കാ​ണ്​ കോവിഡ് ​ പ​രി​ശോ​ധ​ന ന​ട​ത്തി​യ​ത് തന്നെ. ആ​കെ 17,72,372 പേ​ര്‍​ക്ക്​ വൈ​റ​സ്​ പ​രി​ശോ​ധ​ന ന​ട​ത്തുകയും ചെയ്തു. ആ​കെ ചി​കി​ത്സ​യി​ലു​ള്ള​വ​രു​ടെ എ​ണ്ണ​ത്തി​ലും മ​ര​ണ സം​ഖ്യ​യി​ലും അടുത്തിടെ ഗ​ണ്യ​മാ​യ വ​ര്‍​ധ​ന​യു​ണ്ട്.

അതേസമയം 2021 മാര്‍ച്ച് ഏഴ് മുതല്‍ കുവൈറ്റ് വിമാനത്താവളം 24 മണിക്കൂറും പ്രവര്‍ത്തിച്ചു തുടങ്ങുമെന്ന് റിപ്പോർട്ട്. സിവില്‍ ഏവിയേഷന്‍ ഡയറക്ടറേറ്റിലെ എയര്‍ ട്രാന്‍സ്‍പോര്‍ട്ടേഷന്‍ ഡിപ്പാര്‍ട്ട്മെന്റ് ഡയറക്ടര്‍ ഇതു സംബന്ധിച്ച സര്‍ക്കുലര്‍ പുറത്തിറക്കിയിരിക്കുകയാണ്. വിമാന കമ്പനികള്‍ക്ക് ഇതു സംബന്ധിച്ച നിര്‍ദ്ദേശങ്ങള്‍ നല്‍കിയതായി എയര്‍ ട്രാന്‍സ്‍പോര്‍ട്ടേഷന്‍ ഡിപ്പാര്‍ട്ട്മെന്റ് ഡയറക്ടര്‍ അബ്‍ദുല്ല അല്‍ രാജ്‍ഹി അറിയിക്കുകയുണ്ടായി.

എന്നാല്‍ കൊവിഡ് കൂടിയ രാജ്യങ്ങളില്‍ നിന്നുള്ള യാത്രക്കാര്‍ക്ക് കുവെെറ്റിലേക്ക് വരാനുള്ള വിമാന സര്‍വീസുകള്‍ തുടങ്ങുന്ന കാര്യത്തില്‍ ഇതുവരെ തീരുമാനമായിട്ടില്ല. ഇത് സംബന്ധിച്ച കാര്യങ്ങള്‍ തീരുമാനിക്കുന്നത് മന്ത്രിസഭയാണ് എന്നും അറിയിക്കുകയുണ്ടായി. അവരുടെ നിര്‍ദ്ദേശങ്ങള്‍ പുറത്തുവന്നാല്‍ മാത്രമേ ഇതു സംബന്ധിച്ച അറിയിപ്പുകള്‍ ഉണ്ടാകുകയുള്ളു എന്ന് അധികൃതര്‍ വ്യക്തമാക്കി.

അതോടൊപ്പം തന്നെ കൊവിഡ് സാഹചര്യം പരിഗണിച്ച് മറ്റു രാജ്യങ്ങളില്‍ നിന്നുള്ള യാത്രക്കാര്‍ക്ക് അനുമതി നല്‍കും. ഇപ്പോള്‍ സ്വദേശികള്‍ക്കും അവരുടെ ബന്ധുക്കള്‍ക്കും വീട്ടുജോലിക്കെത്തുന്നവര്‍ക്കും മാത്രമാണ് രാജ്യത്തേക്ക് പ്രവേശനം നല്‍ക്കുന്നത്. ഇങ്ങനെ രാജ്യത്ത് എത്തുന്നവര്‍ക്ക് ക്വാറന്റീന്‍ നിര്‍ബന്ധമാക്കുകയും ചെയ്തിട്ടുണ്ട്. ഒരാഴ്‍ച ഇന്‍സ്റ്റിറ്റ്യൂഷണല്‍ ക്വാറന്റീനും ഒരാഴ്‍ച ഹോം ക്വാറന്റീനുമാണുള്ളത്. അതിന് ശേഷം പിസിആര്‍ ടെസ്റ്റ് നടത്തുന്നതായിരിക്കും.