എയർ ഇന്ത്യയുടെ നടപടിക്കെതിരെ പ്രവാസികൾ കളത്തിലേക്ക്; കോവിഡ് കാലത്ത് എടുത്ത ടിക്കറ്റുകളുടെ കാര്യത്തില് പ്രവാസികളെ പിഴിയുന്ന എയര്ഇന്ത്യക്കെതിരെ നിയമനടപടിക്കൊരുങ്ങി പ്രവാസി സംഘടനകൾ
രാജ്യത്ത് കൊറോണ വ്യാപനം റിപ്പോർട്ട് ചെയ്തതിന്റെ ആദ്യ നാളുകൾ പിന്നിട്ട് ഒരു വര്ഷം കഴിഞ്ഞിരിക്കുന്നു. കൊറോണ വ്യാപനം മൂലം അപ്രതീക്ഷിതമായാണ് അന്താരാഷ്ട്ര വിമയാത്രകൾക്ക് വിലക്ക് കൽപ്പിച്ചത്. ഇതിനുപിന്നാലെ കോവിഡ് കാലത്ത് എടുത്ത ടിക്കറ്റുകളുടെ കാര്യത്തില് പ്രവാസികളെ പിഴിയുന്ന എയര്ഇന്ത്യക്കെതിരെ നിയമനടപടിക്കൊരുങ്ങി പ്രവാസി സംഘടനകൾ രംഗത്ത് എത്തിയിരിക്കുകയാണ്. ടിക്കറ്റ് തുക ഒരു വര്ഷം പിന്നിട്ടിട്ടും കോടതിയുടെ വാക്ക് മാനിച്ച് തിരികെ നല്കാൻ തയ്യാറാകാത്തതിന് പിന്നാലെയാണ് പ്രവാസികൾ പ്രതിഷേധവുമായി എത്തിയിരിക്കുന്നത്.
പ്രവാസികളുമായി ബന്ധപ്പെട്ട വിവിധ വിഷയങ്ങളില് കോടതികളെ സമീപിച്ച് അനുകൂല ഉത്തരവ് നേടിയ പ്രവാസി ലീഗല് സെല് (പി.എല്.സി) ടിക്കറ്റ് റീ ഫണ്ട് വിഷയത്തില് വീണ്ടും കോടതിയെ സമീപിക്കാനൊരുങ്ങുന്നതായുള്ള വർത്തകളാണ് പുറത്ത് വരുന്നത്. വിമാനടിക്കറ്റ് എടുക്കുകയും കോവിഡ് പ്രതിസന്ധിയില് യാത്ര ചെയ്യാനാവാതെ വരികയും ചെയ്തവര്ക്ക് ടിക്കറ്റിെന്റ മുഴുവന് തുകയും തിരികെ നല്കണമെന്ന സുപ്രീംകോടതി വിധി വന്നത് പി.എല്.സിയുടെ പൊതു താല്പര്യഹർജിയിലായിരുന്നു. എന്നിട്ടും ഇതിന് തയാറാകാതെ എയര് ഇന്ത്യ പ്രവാസികളെ പിഴിയുന്ന നിലപാടാണ് എയർ ഇന്ത്യ സ്വീകരിക്കുന്നത്.
റീഫണ്ടുമായി ബന്ധപ്പെട്ടുള്ള പ്രയാസങ്ങള്ക്ക് പരിഹാരം കാണാനായി പ്രവാസി ലീഗല് സെല് ഖത്തര് ചാപ്റ്ററിെന്റ നേതൃത്വത്തിലാണ് ആഗോളതല ഓണ്ലൈന് മീറ്റിങ് സംഘടിപ്പിക്കുന്നത്. ഫെബ്രുവരി 28ന് ദോഹസമയം വൈകുന്നേരം ഏഴിനാണ് സൂമില് യോഗം നടക്കുക. (Meeting ID: 812 6105 7773, Passcode: 2021). ടിക്കറ്റ് റീഫണ്ടുമായി ബന്ധപ്പെട്ട കാര്യത്തില് പി.എല്.സി നല്കിയ പൊതു താല്പര്യ ഹരജിയിലാണ് യാത്രക്കാര്ക്ക് അനുകൂലമായ വിധി നേരത്തേ നേടിയെടുത്തത്. യാത്രക്കാര്ക്ക് ടിക്കറ്റ് മുഴുവന് തുകയും റീഫണ്ട് നല്കില്ലെന്ന ഇപ്പോഴത്തെ നിലപാടിനെതിരെ സാധ്യമായ നിയമനടപടികള് യോഗത്തില് ചര്ച്ച ചെയ്യും. വിഷയവുമായി ബന്ധപ്പെട്ടവര് യോഗത്തില് പങ്കെടുത്ത് നിര്ദേശങ്ങള് സമര്പ്പിക്കണമെന്ന് കണ്ട്രി ഹെഡ് അബ്ദുല് റഊഫ് കൊണ്ടോട്ടി അറിയിച്ചു.
കൂടുതല് വിവരങ്ങള്ക്ക് 55443465 (അബ്ദുല്ല പൊയില്), 55379527 (ശമീര് പി.എച്ച്) എന്നീ നമ്ബറുകളില് ബന്ധപ്പെടണം. ഡല്ഹി ആസ്ഥാനമായി പ്രവര്ത്തിക്കുന്ന കൂട്ടായ്മയാണ് പി.എല്.സി. ലോക്ഡൗണ് കാലാവധിക്കുള്ളില് ബുക്ക് ചെയ്ത ടിക്കറ്റുകളുടെ കാര്യത്തില് പതിനഞ്ച് ദിവസത്തിനകം റീഫണ്ട് നല്കണമെന്നാണ് സുപ്രീംകോടതി നേരത്തേ ഉത്തരവിട്ടത്.
https://www.facebook.com/Malayalivartha