പെട്രോൾ,ഡീസൽ വില വർദ്ധനവ് കാരണം പൊറുതിമുട്ടുകയാണ് ഇന്ത്യയിലെ വാഹന ഉപഭോക്താക്കൾ. ഇന്ത്യയിൽ ചില ചില സംസ്ഥാനങ്ങളിൽ പെട്രോളിന് ലിറ്ററിന് 100 രൂപയും കടന്ന് കഴിഞ്ഞു. ഡീസൽ ആണെങ്കിൽ പെട്രോൾ വിലയോടൊപ്പം എത്താൻ ഇഞ്ചോടിച്ച് പോരാട്ടമാണ്.

ഇപ്പോഴിതാ ഇന്ത്യയ്ക്ക് പുറമെ ഗൾഫ് രാഷ്ട്രമായ യു.എ.ഇയും പെട്രോൾ,ഡീസൽ വില വർദ്ധിപ്പിച്ചിരുന്നു.

യുഎഇയില്‍ ആഗോള എണ്ണ വില അടിസ്ഥാനപ്പെടുത്തിയാണ് പെട്രോളിനും ഡീസലിനും വില വർദ്ധിപ്പിച്ചിരിക്കുന്നത്. രാജ്യത്ത് മാർച്ച് മാസത്തേക്കുള്ള ഇന്ധന വിലയാണ് ഫ്യുവല്‍ പ്രൈസ് കമ്മിറ്റി പ്രഖ്യാപിച്ചത്. ഫെബ്രുവരി 1.91 ദിര്‍ഹമായിരുന്ന സൂപര്‍ 98 പെട്രോളിന് മാർച്ചിൽ 2.12 ദിര്‍ഹമായിരിക്കും വില.

സ്‌പെഷ്യല്‍ 95 പെട്രോളിന് 1.80 ദിര്‍ഹത്തില്‍ നിന്ന് 2.01 ദിര്‍ഹമായാണ് വില വര്‍ധിപ്പിച്ചിരിക്കുന്നത്. ഡീസല്‍ വില മാര്‍ചില്‍ 2.15 ദിര്‍മായിരിക്കും. ഫെബ്രുവരിയില്‍ ഇത് 2.01 ദിര്‍ഹമായിരുന്നു.