ദുബായിലെ കെട്ടിടങ്ങളുടെ കരുത്തും സുരക്ഷാ നിലവാരവും തല്‍സമയം നിരീക്ഷിക്കാന്‍ സിവില്‍ ഡിഫന്‍സ് വിഭാഗം ലൈഫ് സേഫ്റ്റി ഡാഷ്‌ബോര്‍ഡ് നടപ്പിലാക്കി. ദുബായിലെ ഓരോ കെട്ടിടത്തിലേയും വിവരങ്ങള്‍ തത്സമയം അറിയാനുള്ള സംവിധാനമാണിത്. ദുബായില്‍ 65,000ത്തില്‍ അധികം കെട്ടിടങ്ങളുണ്ടെന്നാണ് കണക്കാക്കിയിരിക്കുന്നത്. ഈ കെട്ടിടങ്ങള്‍ സംബന്ധിച്ച മുഴുവന്‍ വിവരങ്ങളും തല്‍സമയം അറിയാനും ആവശ്യഘട്ടങ്ങളില്‍ മതിയായ സുരക്ഷാ നടപടികള്‍ കൈക്കൊള്ളാനും സിവില്‍ ഡിഫന്‍സിനെ സഹായിക്കുന്നതാണ് ലൈഫ് സേഫ്റ്റി ഡാഷ് ബോര്‍ഡ്.
കെട്ടിടങ്ങളുടെ പ്ലാന്‍,ലിഫ്റ്റിന്റെ പ്രവര്‍ത്തനം, അഗ്‌നിശമന സംവിധാനങ്ങള്‍, പാര്‍ക്ക് ചെയ്ത വാഹനങ്ങളുടെ എണ്ണം ഉള്‍പ്പടെയുള്ള സുരക്ഷാ വിവരങ്ങളെല്ലാം ഈ ഡാഷ് ബോര്‍ഡ് പ്രദര്‍ശിപ്പിക്കും. കെട്ടിട ഉടമകള്‍ക്കും തങ്ങളുടെ കെട്ടിടം സംബന്ധിച്ച പൂര്‍ണ്ണ വിവരങ്ങള്‍ ഈ ഡാഷ് ബോര്‍ഡിലൂടെ ലഭിക്കും. ഇതിനായി ഒരു കാര്‍ഡ് നല്‍കും. ഇതിലെ യൂസര്‍ നെയിമും പാസ് വേഡും ഉപയോഗിച്ച് കമ്പ്യൂട്ടറോ മൊബൈലോ വഴി ഡാഷ് ബോര്‍ഡ് കാണാം. പസഫിക് കണ്‍ട്രോള്‍സാണ് ഈ സംവിധാനം നടപ്പിലാക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha