ജനങ്ങളുടെ സംശയനിവാരണത്തിനും സഹായങ്ങള്ക്കുമായി പുതിയ വാട്ട്സാപ്പ് സേവനവുമായി ഖത്തര്; ഖത്തറിലെ തൊഴില് നിയമങ്ങളും നിയന്ത്രണങ്ങളും സംബന്ധിച്ച എല്ലാ വിവരണങ്ങളും ഉടനെ ലഭിക്കും, അറബിക്, ഇംഗ്ലീഷ്, മലയാളം, ഉറുദു, ഹിന്ദി, നേപ്പാളി എന്നിങ്ങനെ ആറ് ഭാഷകളിലായി സേവനം ലഭ്യമാണ്
പ്രവാസികൾക്ക് കൈത്താങ്ങായി ഖത്തറിന്റെ പുതിയ സംവിധാനം. ഖത്തറിലെ തൊഴില് നിയമങ്ങളും നിയന്ത്രണങ്ങളും സംബന്ധിച്ച് ജനങ്ങളുടെ സംശയനിവാരണത്തിനും സഹായങ്ങള്ക്കുമായി പുതിയ വാട്ട്സാപ്പ് സേവനവുമായി ഖത്തര് ഗവണ്മെന്റ് കമ്മ്യൂണിക്കേഷന്സ് ഓഫീസ് രംഗത്ത് എത്തിയിയ്ക്കുകയാണ്. 60060601 എന്ന വാട്ട്സാപ്പ് നമ്പറാണ് ഇതിനായി പുറത്തിറക്കിയിരിക്കുന്നത്. https://wa.me/97460060601?text=Hi എന്ന ലിങ്കില് ക്ലിക്ക് ചെയ്താല് നേരിട്ട് ഈ വാട്ട്സാപ്പ് പേജിലേക്കെത്താന് സാധിക്കുന്നതാണ്.
അതോടൊപ്പം തന്നെ നമ്പര് ആക്ടിവേറ്റ് ചെയ്ത് ഹായ് അയച്ചാല് ഇഷ്ടമുള്ള ഭാഷ തെരഞ്ഞെടുക്കാന് പറയും. അറബിക്, ഇംഗ്ലീഷ്, മലയാളം, ഉറുദു, ഹിന്ദി, നേപ്പാളി എന്നിങ്ങനെ ആറ് ഭാഷകളിലായി ഈ സേവനം ലഭ്യമാണ്. പിന്നീട് ഏഴ് ഓപ്ഷനുകള് നല്കും.
ഏവർക്കും തങ്ങളുടെ തൊഴില് അവകാശങ്ങളെ കുറിച്ചറിയല്, ഖത്തര് വിസ സെന്ററില് അപ്ലൈ ചെയ്യല്, പരാതികള് അറിയിക്കല്, നേരത്തെ അയച്ച ആപ്ലിക്കേഷനുകളുടെ പുരോഗതി അറിയല്, സംശയനിവാരണം, പ്രധാനനമ്പറുകളെ കുറിച്ചറിയല് എന്നീ ഏഴ് ഓപ്ഷനുകളില് ആവശ്യമുള്ളത് തെരഞ്ഞെടുക്കാൻ സാധിക്കുന്നതാണ്. തുടര്ന്ന് ആവശ്യങ്ങള് മെസ്സേജായി അയക്കുന്ന പക്ഷം മറുപടി നൽകുകയും ചെയ്യും. തൊഴിലാളിക്കും തൊഴിലുടമയ്ക്കും ഈ നമ്പര് വഴി സേവനം തേടാവുന്നതാണ്. എന്നാല് ഈ നമ്പറിലൂടെ കാള് സൌകര്യം ഉണ്ടാകില്ല.
അതേസമയം ഖത്തറില് സമ്പൂര്ണ ഡിജിറ്റലൈസേഷന് ഉടന് പൂര്ത്തിയാകുമെന്ന് അധികൃതര്. എസ്റ്റാബ്ലിഷ്മെന്റ് കാര്ഡ് (കംപ്യൂട്ടര് കാര്ഡ്) പുതുക്കല് ഉള്പ്പെടെ നിലവില് നേരിട്ട് ചെയ്യേണ്ട സേവനങ്ങള് കൂടി ഉടന് ഓണ്ലൈന് വഴിയാക്കുമെന്ന് ആഭ്യന്തര മന്ത്രാലയത്തിന് കീഴിലെ പാസ്പോര്ട്ട് ജനറല് ഡയറക്ട്രേറ്റ് ഓഫീസര് കേണല് താരിഖ് ഇസ്സ അല് അഖിദി വ്യക്തമാക്കുകയുണ്ടായി.
ഇത് മെട്രാഷ് ടു ആപ്പില് തന്നെ ലഭ്യമാക്കാനാണ് ഉദ്ദേശിക്കുന്നതെന്നും വൈകാതെ തന്നെ ഈ സൗകര്യം നിലവില് വരുമെന്നും ഖത്തര് റേഡിയോയ്ക്ക് നല്കിയ അഭിമുഖത്തില് അദ്ദേഹം പറഞ്ഞു. ഒന്നില് കൂടുതല് വിഭാഗങ്ങളിലായി ബന്ധപ്പെട്ടുകിടക്കുന്നതിനാലാണ് കംപ്യൂട്ടര് കാര്ഡ് പുതുക്കല് ഉള്പ്പെടെയുള്ള ചില സേവനങ്ങള് ഡിജിറ്റലാക്കുന്ന നടപടികള് വൈകാനുള്ള കാരണം എന്നും പറയുകയുണ്ടായി. പാസ്പ്പോര്ട്ട് ഡിപ്പാര്ട്ട്മെന്റിന്റെ പുതിയ കെട്ടിടം ഉടന് തന്നെ ഉദ്ഘാടനം ചെയ്യുമെന്നും അദ്ദേഹം കൂട്ടിച്ചേർത്തു.
https://www.facebook.com/Malayalivartha