വമ്പൻ തൊഴിലവസരം കാത്തിരിക്കുന്നു; കൊറോണ വ്യാപനത്തിലും തളരാതെ പ്രവാസികൾക്ക് നിരവധി ഒഴിവുകൾ, ദുബായ് ഇന്ത്യന് കോണ്സുലേറ്റില് പ്രസ്സ് അസിസ്റ്റന്റിന്റെ ഒഴിവ്, ശമ്പളം 1.68 ലക്ഷം രൂപ
പുത്തൻ അവസരങ്ങളുമായി ദുബായ് കാത്തിരിക്കുന്നു. കൊറോണ വ്യാപനത്തിലും തളരാതെ പ്രവാസികൾക്ക് നിരവധി ഒഴിവുകൾ. ദുബായ് ഇന്ത്യന് കോണ്സുലേറ്റില് പ്രസ്സ് അസിസ്റ്റന്റിന്റെ ഒഴിവ്. ശമ്പളം 8500 ദിര്ഹം- അഥവാ 1.68 ലക്ഷം രൂപയാണ് ശമ്പളം വാഗ്ദാനം ചെയ്യുന്നത്. ദുബായ് കോണ്സുലേറ്റിലെ കോണ്സുല് ജനറല് അറിയിച്ചതുപ്രകാരമാണ് ഇത്. പ്രസ്സ് ആന്റ് ഇന്ഫര്മേഷന് വിംഗിലാണ് അസിസ്റ്റന്റിന്റെ അടിയന്തര ഒഴിവ് റിപ്പോര്ട്ട് ചെയ്തിരിക്കുന്നത്. ഇംഗ്ലീഷ്, കമ്മ്യൂണിക്കേഷന്, ജേണലിസം എന്നീ വിഷയങ്ങളില് ഏതെങ്കിലുമുള്ള ബിരുദമാണ് അടിസ്ഥാന യോഗ്യതയായി കൽപ്പിക്കുന്നത്.
മാധ്യമരംഗത്ത് ജോലി പരിചയമുള്ളവര്ക്ക് മുന്ഗണന നൽകുന്നതാണ്. ഇംഗ്ലീഷിലും ഹിന്ദിയിലും നല്ല കഴിവുണ്ടായിരിക്കണം. അറബി ഭാഷാ പരിജ്ഞാനം അഭികാമ്യം. ഇതുകൂടാതെ ഐടി/കംപ്യൂട്ടര് മേഖലയില് നൈപുണ്യമുണ്ടായിരിക്കണം. മാധ്യമ മാനേജ്മെന്റ്, സോഷ്യല് മീഡിയ കൈകാര്യം ചെയ്യല്, പ്രസ്സ് റിലീസുകളും റിപ്പോര്ട്ടുകളും തയ്യാറാക്കുന്നതിലെ എന്നീ മേഖലകളില് നല്ല വൈദഗ്ധ്യം ഉണ്ടായിരിക്കണം.7200 ദിര്ഹമാണ് അടിസ്ഥാന ശമ്പളം. 1368 ദിര്ഹം അലവന്സായി ലഭിക്കും. അതിനുപുറമെ, ആരോഗ്യ ഇന്ഷൂറന്സും കോണ്സുലേറ്റ് നല്കും.
താല്പര്യമുള്ള ഉദ്യോഗാര്ഥികള് കോണ്സുലേറ്റിന്റെ വെബ്സൈറ്റ് വഴി ഓണ്ലൈനായി അപേക്ഷ നല്കണം. മാര്ച്ച് 14 ആണ് അവസാന തീയതി. ലഭിക്കുന്ന അപേക്ഷകളില് നിന്ന് ഷോര്ട്ട് ലിസ്റ്റ് ചെയ്യുന്നവരെ മാത്രമേ അഭിമുഖത്തിന് ക്ഷണിക്കുകയുള്ളൂ. നിലവില് ഇന്ത്യയിലുള്ളവര്ക്കും അപേക്ഷിക്കാമെന്ന് കോണ്സുലേറ്റിലെ പ്രസ്സ്, ഇന്ഫര്മേഷന് ആന്റ് കള്ച്ചര് കോണ്സുല് സിദ്ധാര്ഥ കുമാര് ബറൈലി അറിയിച്ചു.
അതേസമയം, ഗൾഫ് രാഷ്ട്രങ്ങളിൽ വച്ച് പ്രവാസികൾ ഏറ്റവും കൂടുതൽ ജോലി ചെയ്യാൻ ആഗ്രഹിക്കുന്നത് യുഎഇ തന്നെയാണ്. സുതാര്യവും വളരെ ലളിതവുമായ ഭരണരീതിയും അതോടൊപ്പം കർക്കശമായ നിയമങ്ങളും മാനുഷിക പരിഗണന നൽകുന്ന അധികാരികളും തന്നെയാണ് തൊഴിൽ അന്വേഷകർ ആഗ്രഹിക്കുന്നത്. കൊറോണ വ്യാപനം നൽകിയ പ്രതിസന്ധികൾക്കിടയിലും പ്രവാസികളെ നെഞ്ചോട് ചേർത്ത ഈ ലോകം എന്നും പ്രിയപ്പെട്ടത് തന്നെയാണ്. എപ്പോഴും പ്രവാസികൾക്ക് പ്രാധാന്യം നൽകുന്ന അധികൃതർ ഇപ്പോഴിതാ അത്തരത്തിൽ ഒരു നടപടിയാണ് കൈക്കൊണ്ടിരിക്കുന്നത്.
https://www.facebook.com/Malayalivartha