റമദാൻ ആരംഭത്തിൽ പ്രവാസികൾക്ക് വമ്പൻ ഓഫാറുകൾ; അഞ്ഞൂറിലേറെ ഉൽപന്നങ്ങള് നിയന്ത്രിത വിലയില് പൊതുജനങ്ങള്ക്ക് ലഭ്യമാകുമെന്ന് വാണിജ്യ വ്യവസായ മന്ത്രാലയം അധികൃതര്, ഖത്തറിൽ പ്രവാസികളെ കാത്തിരിക്കുന്നത്....
കൊറോണ വ്യാപനത്തിന്റെ നാളുകൾ പിന്നിട്ട് റമദാൻ ആഘോഷിക്കാൻ ഗൾഫ് രാഷ്ട്രങ്ങൾ ഒരുങ്ങിക്കഴിഞ്ഞു. വമ്പൻ ഓഫാറുകൾ നൽകി വിപണി തിരിച്ചുപിടിക്കാൻ ഒരുങ്ങി. ഇപ്പോഴിതാ റമദാനില് അഞ്ഞൂറിലേറെ ഉൽപന്നങ്ങള് നിയന്ത്രിത വിലയില് പൊതുജനങ്ങള്ക്ക് ലഭ്യമാകുമെന്ന് വാണിജ്യ വ്യവസായ മന്ത്രാലയം അധികൃതര് അറിയിക്കുകയുണ്ടായി. ഗുണനിലവാരമുള്ള ഉൽപന്നങ്ങളുടെ ലഭ്യത ഉറപ്പുവരുത്താന് പഴം, പച്ചക്കറി വിൽപന കേന്ദ്രങ്ങളില് നിരീക്ഷണം ശക്തമാക്കിയതായും വാണിജ്യ വ്യവസായ മന്ത്രാലയത്തിലെ ഉപഭോക്തൃ വിഭാഗം അസിസ്റ്റൻറ് അണ്ടര് സെക്രട്ടറി ശൈഖ് ജാസിം ബിന് ജബര് ആൽഥാനി വ്യക്തമാക്കുകയുണ്ടായി.
ഖത്തര് ടി.വിക്ക് നൽകിയ അഭിമുഖത്തില് സംസാരിക്കുകയായിരുന്നു അദ്ദേഹം ഇക്കാര്യം അറിയിച്ചത്. മത്സ്യത്തിെൻറയും സമുദ്രവിഭവങ്ങളുടെയും വ്യാപാര നിരീക്ഷണം ശക്തമാക്കിയത് വില ഗണ്യമായി കുറക്കാന് സഹായിച്ചതായും റമദാനില് സബ്സിഡി നിരക്കില് ഇറച്ചി ലഭ്യമാക്കാനുള്ള സംരംഭമുണ്ടെന്ന് അദ്ദേഹം പറഞ്ഞു. ഇത് വലിയ നേട്ടമാണ്. കഴിഞ്ഞ ഒമ്പത് വര്ഷമായി മന്ത്രാലയം ഈ സംരംഭം തുടരുന്നതായും അദ്ദേഹം കൂട്ടിച്ചേർത്തു.
ആസൂത്രണ സ്ഥിതിവിവരക്കണക്ക് അതോറിറ്റി പുറപ്പെടുവിച്ച ഉപഭോക്തൃ വിലസൂചിക പ്രകാരം റമദാനില് ചരക്കുകളുടെ വില കുറയുമെന്ന് അറിയിപ്പുണ്ട്. മറ്റു മാസങ്ങളെ അപേക്ഷിച്ച് റമദാനില് വാണിജ്യ വ്യവസായ മന്ത്രാലയം സ്വീകരിക്കുന്ന നടപടികളാണ് ഇതിന് സഹായിക്കുന്നത്. റമദാനില് വാണിജ്യ ഔട്ട്െലറ്റുകളില് കര്ശന നിരീക്ഷണമാണ് മന്ത്രാലയത്തിന് കീഴിലെ ഉപഭോക്തൃ സംരക്ഷണ വകുപ്പ് നടത്തുന്നത്.
ഉൽപന്നങ്ങള് ശരിയായ രീതിയില് പ്രദര്ശിപ്പിക്കുക, വിശദാംശങ്ങള് നൽകുക, തട്ടിപ്പ് തടയുക തുടങ്ങിയ നിയമങ്ങള് പാലിക്കുന്നുണ്ടോയെന്ന കാര്യം നിരീക്ഷിക്കുക എന്നിവയെല്ലാമാണ് നോക്കിവരുന്നത്. ഉചിതമായ വിലക്ക് ഗുണനിലവാരമുള്ള ചരക്കുകളുടെ ലഭ്യത ഉറപ്പാക്കാന് നിരീക്ഷണം സഹായിക്കുന്നുണ്ടെന്നും അദ്ദേഹം പറഞ്ഞു.
അതോടൊപ്പം തന്നെ ഇലക്ട്രോണിക് പ്ലാറ്റ്ഫോമുകളിലൂടെ നടത്തുന്ന വ്യാപാരം ഉപഭോക്തൃ സംരക്ഷണ നിയമത്തിലെ വ്യവസ്ഥകള് പാലിക്കേണ്ടതുണ്ട്. തെറ്റിദ്ധരിപ്പിക്കുന്ന പരസ്യങ്ങൾ പാടില്ല.ദോഷകരമോ വ്യാജമോ ആയ ഉൽപന്നങ്ങള് തടയുമെന്നും അദ്ദേഹം അറിയിച്ചു. പ്രാദേശിക ഉൽപന്നങ്ങളെ പിന്തുണക്കുന്നതിനായി മുനിസിപ്പാലിറ്റി പരിസ്ഥിതി മന്ത്രാലയവുമായി സഹകരിച്ച് വാണിജ്യ വ്യവസായ മന്ത്രാലയം വിവിധ നടപടികൾ സ്വീകരിക്കുന്നുണ്ട്. പ്രാദേശിക ഉൽപാദകര്ക്ക് മികച്ച വില കിട്ടുന്നതിന് ഇത് സഹായിച്ചിട്ടുണ്ട്.
https://www.facebook.com/Malayalivartha