വിമാനയാത്ര സുഗമമാക്കാൻ ട്രാവൽ പാസ്; വാക്സിന് എടുത്തവര്ക്കും പിസിആര് പരിശോധന നടത്തി നെഗറ്റീവ് സര്ട്ടിഫിക്കറ്റ് ഉള്ളവര്ക്കും യാത്ര എളുപ്പമാക്കുകയാണ് ഇതിന്റെ ലക്ഷ്യം, ബോര്ഡിങ് പാസിന് പകരമുള്ള ഡിജിറ്റല് രേഖയായ ട്രാവല് പാസില് കൊവിഡ് വാക്സിന്, പരിശോധനാഫലം എന്നിവയുടെ വിവരങ്ങള്, പാസ്പോര്ട്ട് രേഖകള് എന്നിവയെല്ലാം ഉള്പ്പെടുന്നു
കൊറോണ വ്യാപനത്തിന് പിന്നാലെ ലോകം മുഴുവനും സ്തംഭിച്ചു. വിമാനയാത്രകൾ എല്ലാം തന്നെ നിലച്ചു.ഘട്ടം ഘട്ടമായി യാത്രകൾ പുനഃരാരംഭിക്കുന്നുവെങ്കിലും പൂർണമായും ഇതുവരെ ഉണർന്നിട്ടില്ല. ഇതിൽ യാത്രക്കാർ കടുത്ത അശ്കയിലാണ്. പ്രത്യേകിച്ച് സൗദി, കുവൈറ്റ് എന്നീ രാഷ്ട്രങ്ങളിലേക്ക് എത്തിച്ചേരാൻ കാത്തിരിക്കുന്നവർ. ഇപ്പോഴിതാ കൊവിഡ് കാലത്ത് വര്ദ്ധിച്ച വിമാന യാത്രാ ദുരിതത്തിന് അറുതി വരുത്താന് ട്രാവല് പാസ്. വാക്സിന് എടുത്തവര്ക്കും പിസിആര് പരിശോധന നടത്തി നെഗറ്റീവ് സര്ട്ടിഫിക്കറ്റ് ഉള്ളവര്ക്കും യാത്ര എളുപ്പമാക്കുകയാണ് ട്രാവല് പാസിലൂടെ ലക്ഷ്യം വയ്ക്കുന്നത്. ഇന്റര്നാഷണല് എയര് ട്രാന്സ്പോര്ട്ട് അസോസിയേഷനാണ് ഇതിന് നേതൃത്വം വഹിക്കുന്നത്. മാസവസാനം പദ്ധതി ഉദ്ഘാടനം ചെയ്യും.
അതെയതെ നിലവിലുള്ള ബോര്ഡിങ് പാസിന് പകരമുള്ള ഡിജിറ്റല് രേഖയായ ട്രാവല് പാസില് കൊവിഡ് വാക്സിന്, പരിശോധനാഫലം എന്നിവയുടെ വിവരങ്ങള്, പാസ്പോര്ട്ട് രേഖകള് എന്നിവയെല്ലാം ഉള്പ്പെടുന്നുണ്ട്. ഈ പാസ് കൈവശം ഉള്ളവര്ക്ക് യാത്ര എളുപ്പമാകുകയും യാത്രാ നടപടികളും ഡിജിറ്റലാകുകയും ചെയ്യുന്നതാണ്. സ്മാര്ട് ഫോണ് ഇല്ലാത്തവര്ക്ക് പ്രിന്റ് ചെയ്ത ട്രാവല് പാസ് നല്കുന്നതായിരിക്കും.
ഇന്ത്യ ഉള്പ്പെടെ വിവിധ രാജ്യങ്ങളിലെ അധികൃതരുമായി ചര്ച്ച നടത്തിയതായും യാത്രക്കാര് ട്രാവല് പാസ് കരുതണമെന്ന നിര്ദേശം വൈകാതെ വിവിധ എയര്ലൈനുകള് വഴി നല്കുകയും ചെയ്യും. എയര് ഇന്ത്യ, ഇന്ഡിഗോ, സ്പൈസ് ജെറ്റ്, വിസ്താര ഉള്പ്പെടെ ആഗോള തലത്തില് 290 എയര്ലൈനുകള് അയാട്ടയില് അംഗങ്ങളാണ്. അയാട്ട ട്രാവല് പാസ് എന്ന മൊബൈല് ആപ്പിലൂടെയാകും ഡിജിറ്റല് പാസ് ലഭ്യമാകുന്നത്.
വ്യക്തിഗത വിവരങ്ങള്ക്കു പുറമെ വാക്സിന്, പരിശോധനാ ഫല വിവരങ്ങളും അപ്ലോഡ് ചെയ്യണം, വിവിധ രാജ്യങ്ങളിലെ കൊവിഡ് വ്യാപനം അനുസരിച്ച് വ്യത്യസ്ത നിയമങ്ങളാണ് നൽകിയിട്ടുള്ളത്. എമിറേറ്റ്സ് എയര്ലൈന്, ഒമാന് എയര്, ഖത്തര് എയര്വേയ്സ്, ഗള്ഫ് എയര് തുടങ്ങി മേഖലയിലെ വിവിധ എയര്ലൈനുകള് ട്രാവല് പാസ് ഉപയോഗിച്ചുവരുകയാണ്. ആയതിനാൽ തന്നെ ഗൾഫിലേക്ക് എത്തിച്ചേരാൻ കാത്തിരിക്കുന്ന പ്രവാസികൾക്ക് ഏറെ സുഗമമായി യാത്ര ചെയ്യാൻ ട്രാവൽ പാസ് സഹായകമാകുന്നതാണ്. എല്ലാ ഗൾഫ് രാഷ്ട്രങ്ങളും ഇത് ഔദ്യോഗിമായി ഉപയോഗിക്കാൻ ഉടൻ തന്നെ തീരുമാനമാകുമെന്നാണ് സൂചന.
https://www.facebook.com/Malayalivartha
