തൊഴില്‍ നിയമങ്ങളില്‍ സമൂലമായ മാറ്റങ്ങള്‍ വരുത്തി പ്രവാസികൾക്ക് ആശ്വാസ വാർത്തയുമായി ഖത്തർ രംഗത്ത്. കഴിഞ്ഞ വര്‍ഷം ഖത്തര്‍ പ്രഖ്യാപിച്ച മിനിമം വേതന നിയമം ഇന്ന് മുതല്‍ പ്രാബല്യത്തില്‍ വരികയുണ്ടായി. ഖത്തറിലെ ഗാര്‍ഹികത്തൊഴിലാളികള്‍ ഉള്‍പ്പെടെയുള്ള സ്വകാര്യമേഖലയിലെ മുഴുവന്‍ ജീവനക്കാര്‍ക്കും ഈ ആനുകൂല്യം ലഭിക്കുമെന്ന് തൊഴില്‍-സാമൂഹികകാര്യ മന്ത്രാലയം റിപ്പോർട്ട് ചെയ്യുകയുണ്ടായി. എത്തയോടുകൂടി പ്രവാസികൾക്ക് ഇനിമുതൽ മിനിമം വേതനം ലഭിക്കുന്നതാണ്.

2020ലെ 17ാം നമ്പര്‍ തൊഴില്‍ നിയമ ഭേദഗതി പ്രകാരം എല്ലാ കമ്പനികളും ഏറ്റവും കുറഞ്ഞ അടിസ്ഥാന ശമ്പളം 1000 റിയാലായി നിശ്ചയിച്ച് കരാറുകള്‍ പുതുക്കണമെന്ന് മന്ത്രാലയം നിര്‍ദ്ദേശം നല്‍കിയിരിക്കുകയാണ്. മാര്‍ച്ച് 20 മുതല്‍ പുതിയ വേതന നിയമം നടപ്പാക്കണമെന്നാവശ്യപ്പെട്ട് മുഴുവന്‍ സ്ഥാപന ഉടമകള്‍ക്കും നേരത്തെ തൊഴില്‍ മന്ത്രാലയം സര്‍ക്കുലര്‍ പുറപ്പെടുവിക്കുകയും ചെയ്തിരുന്നു. ആയതിനാൽ തന്നെ ഉടനടി ശമ്പളം ലഭിക്കുന്നതായിരിക്കും എന്നും ഖത്തർ അധികൃതർ വ്യക്തമാക്കി.

അതായത് ഇന്നുമുതൽ പ്രാബല്യത്തിൽ വന്ന പുതിയ നിയമഭേദഗതി പ്രകാരം ഭക്ഷണവും താമസവും കൂടാതെയാണ് തൊഴിലാളികള്‍ക്ക് ഏറ്റവും കുറഞ്ഞത് മാസത്തില്‍ 1000 റിയാല്‍ അടിസ്ഥാന ശമ്പളം ലഭിക്കുക. ഇതിനു പുറമെ, 500 റിയാല്‍ താമസത്തിനും 300 റിയാല്‍ ഭക്ഷണത്തിനും നല്‍കിയിരിക്കണം. ഇങ്ങനെ ചുരുങ്ങിയത് 1800 റിയാലാണ് പ്രതിമാസം രാജ്യത്തെ മുഴുവന്‍ തൊഴിലാളികള്‍ക്കും ലഭിക്കുക.

പറഞ്ഞുവന്നത് ഇന്ത്യയുടെ 36000 രൂപ എന്നതാണ് കണക്ക്. അതേസമയം താമസവും ഭക്ഷണവും കമ്പനിയോ സ്പോണ്‍സറോ നല്‍കുന്നുണ്ടെങ്കില്‍ അതിന് പണം നല്‍കേണ്ടി വരുന്നതല്ല. പകരം അടിസ്ഥാന ശമ്പളം മാത്രം നല്‍കിയാല്‍ മതിയാവുന്നതാണ്. മതിയായ തയ്യാറെടുപ്പുകള്‍ നടത്താന്‍ ആറു മാസം സാവകാശം നല്‍കിയ ശേഷമാണ് പുതിയ നിയമം ഇന്ന് നടപ്പിലാക്കുന്നതെന്നും മന്ത്രാലയം അറിയിച്ചു.

അതോടൊപ്പം തന്നെ മിനിമം വേതനം നടപ്പിലാക്കുന്നതോടെ രാജ്യത്തെ തൊഴില്‍ മേഖലയ്ക്ക് നവോന്‍മേഷം കൈവരുമെന്ന് മന്ത്രാലയം അഭിപ്രായപ്പെടുകയുണ്ടായി. തൊഴിലാളിയും തൊഴിലുടമയും തമ്മിലുള്ള ബന്ധം മികച്ചതാക്കാന്‍ ഇത് സഹായകമാവുന്നതാണ്. ഗള്‍ഫ് രാജ്യങ്ങളിളുടെ കൂട്ടത്തില്‍ മിനിമം വേതനനിമയം ആദ്യമായി നടപ്പിലാക്കുന്ന രാജ്യമായി ഇതോടെ ഖത്തര്‍ മാറുകയാണ്.