സൗദിയിലേക്ക് മടങ്ങാൻ പ്രവാസികൾ നെട്ടോട്ടമോടുന്നു; കൊറോണ വ്യാപനം ഉയരുന്ന പശ്ചാത്തലത്തിൽ പുറപ്പെടുവിച്ച നിയന്ത്രണങ്ങളിൽ നിന്ന് ഒരിഞ്ച് നീങ്ങാതെ അധികൃതർ, യാത്രാവിലക്കിൽ ആകെക്കുഴഞ്ഞ് പ്രവാസികൾ
ഗൾഫ് രാഷ്ട്രങ്ങളിൽ കോവിഡ് വ്യാപനം ദിനംപ്രതി ഉയരുന്നതായുള്ള കണക്കുകളാണ് പുറത്ത് വരുന്നത്. ഒമാനും കുവൈറ്റും കര്ഫ്യൂ ഏർപ്പെടുത്തി നിയന്ത്രങ്ങൾ ശക്തമാക്കി. ഇതിനുപിന്നാലെ ഖത്തറും സമ്പൂര്ണവിലക്കിലേക്ക് നീങ്ങുന്നുവെന്ന വാർത്തകൾ വന്നതാണ്. ഇതുതന്നെയാണ് സൗദിയേയും ആശങ്കയിലാഴ്ത്തുന്നത്. കൊറോണ വ്യാപനം ഉയരുന്ന പശ്ചാത്തലത്തിൽ പുറപ്പെടുവിച്ച നിയന്ത്രണങ്ങളിൽ നിന്ന് ഒരിഞ്ച് നീങ്ങാൻ തയ്യാറായിട്ടില്ല. അധികൃതർ പുറപ്പെടുവിച്ച യാത്രാവിലക്കിൽ ആകെക്കുഴഞ്ഞിരിക്കുകയാണ് പ്രവാസികൾ.
ഇത്തരത്തിൽ നാട്ടിൽ കുടുങ്ങിയ പ്രവാസികൾ മറ്റു അറബ് രാജ്യങ്ങളില് ക്വാറന്റീൻ കഴിഞ്ഞ ശേഷം ആയിരുന്നു സൗദിയിലേക്ക് എത്തിയിരുന്നത്. എന്നാല് ഇപ്പോള് അതിനു സാധിക്കില്ല എന്നതാണ്. വിമാന സർവിസുകൾ പുനരാരംഭിക്കാത്തത് കാരണം പല പ്രവാസികളുടേയും ജീവിതം തന്നെ ആകെ ബുദ്ധിമുട്ടിലായിരിക്കുകയാണ്. പലരും മാസങ്ങളായി നാട്ടില് തന്നെയാണ്. സൗദിയിലേക്ക് മടങ്ങാന് വേണ്ടി നെട്ടോട്ടമോടുകയാണ് ഇവര്.
രണ്ടോ, നാലോ മാസത്തെ അവധിക്കും ചെറിയ അവധികൾക്കും നാട്ടില് എത്തിയവരാണ് തിരിച്ച് പേകാന് സാധികാതെ കുടുങ്ങിയിരിക്കുന്നത്. ഖത്തർ, ദുബായ്, ബഹ്റൈൻ, ഒമാന് എന്നീ രാജ്യങ്ങളില് പോയി അവിടെ ഹോട്ടല് ക്വാറന്റീൻ ഇരുന്ന് പതിനാല് ദിവസം കഴിഞ്ഞ ശേഷം കൊവിഡ് പരിശോധന നടത്തി സൗദിയിലേക്ക് പോകാമായിരുന്നു. എന്നാല് ഫെബ്രുവരി രണ്ടാം തീയതി സൗദി ഈ രാജ്യങ്ങളില് നിന്നുള്ള വിമാന സര്വീസുകള് എല്ലാം നിര്ത്തലാക്കി. അറബ് രാജ്യങ്ങളെ കൂടാതെ 20 രാജ്യങ്ങളിൽനിന്നുള്ള യാത്രക്കാര്ക്ക് സൗദി വിലക്കേര്പ്പെടുത്തി.
അതേസമയം ഇന്ത്യയുടെ അയല് രാജ്യമായ നേപ്പാൾ വഴി സൗദിയിലേക്ക് പോകാന് സാധിക്കും. എന്നാല് സാധാരണക്കാരെ കൊണ്ട് താങ്ങാന് സാധിക്കാത്ത അത്രയും വലിയ തുകയാണ് ചെലവിൽ വരുന്നത്. . 80,000 മുതൽ ഒരു ലക്ഷം വരെ ഒരാള്ക്ക് ചെലവ് വരുന്നതാണ്. എന്നാലും ട്രാവര് ഏജന്സികള്ക്ക് മുമ്പില് നീണ്ട നിരയാണെന്ന് ഒരു പ്രമുഖ മാധ്യമം റിപ്പോര്ട്ട് ചെയ്യുന്നു.
ഇതുകൂടാതെ നിരവധി പേരുടെ റീ എൻട്രി വിസയുടെ കാലാവധി അവസാനിച്ചിരിക്കുകയാണ്. പലരും കമ്പനികളുമായി ബന്ധപ്പെട്ട വിസ കാലാവധി പുതുക്കി വിമാന സര്വിസ് തുടങ്ങുന്നതിനായി കാത്തിരിക്കുകയാണ്. ചെറിയ ശമ്പളം വാങ്ങി ജോലി ചെയ്യുന്ന പ്രവാസികള് വലിയ ബുദ്ധിമുട്ടിലാണ്. മേയ് 17 വരെയാണ് ഇപ്പോള് പറഞ്ഞിരിക്കുന്ന വിലക്കിന്റെ സമയം. അതിന് ശേഷം നേരിട്ട് സൗദിയിലേക്ക് മടങ്ങാന് സാധക്കും എന്ന പ്രതീക്ഷയിലാണ് പ്രവാസികള്.
https://www.facebook.com/Malayalivartha